مسلم لیگ ن کی نائب صدر مریم نواز نے تھیلسیمیا کی بچے کی خواہش پوری کر دی

مریم نواز نے ظفر وال میں لیگی کارکن ذکی الرحمان سے ملاقات کی، 5 لاکھ نقد بھی پیش کیے

سمیرا فقیرحسین جمعرات 13 جون 2019 12:31

مسلم لیگ ن کی نائب صدر مریم نواز نے تھیلسیمیا کی بچے کی خواہش پوری کر ..

ظفروال (اُردو پوائنٹ تازہ ترین اخبار۔ 13 جون 2019ء) : مسلم لیگ ن کی نائب صدر مریم نواز نے تھیلسیمیا کے مریض اور لیگی کارکن کی خواہش پوری کر دی ۔تفصیلات کے مطابق مسلم لیگ ن کی مرکزی نائب صدرمریم نواز 3 بجے حلقہ این اے 77 کے قصبہ ٹپیالہ پہنچیں تو ہزاروں لوگوں نے ان کا استقبال کیا۔ اس کے بعد وہ گاڑیوں اور موٹر سائیکلوں پر مشتمل سینکڑوں افراد کے ساتھ د ہمتھل پہنچی۔

مریم نواز مسلم لیگ ن کے سرگرم کارکن اور تھیلیسیمیا کے مریض ذکی الرحمان کے گھر بھی گئیں۔ جہاں انہوں نے ذکی سے ملاقات کی اور اس سے گفتگو کرتے ہوئے قائد کا پیغام دیا۔

مریم نواز کی ظفروال کے رہائشی بچے ذکی کی عیادت کیلیے ان کے گھر آمد. pic.twitter.com/v5xRjMMLel
— PMLN (@pmln_org) June 12, 2019

مریم نواز نے ذکی الرحمان کو پارٹی قائد نواز شریف کی جانب سے پھولوں کا گلدستہ اور 5 لاکھ نقد بطور تحفہ پیش کیا۔

مریم نواز صاحبہ نے زکی کو میاں صاحب کی طرف سےگفٹ دیا pic.twitter.com/WcwtpUgpI4
— Saima Farooq 🇵🇰 (@SaimaFarooq) June 12, 2019

جبکہ بیمار کم سن لیگی کارکن نے پارٹی کی نائب صدر مریم نواز کو سونے کی انگوٹھی جبکہ ایم این اے مہناز اکبر اور دانیال عزیز کوچاندی کی انگوٹھیاں بطور تحفی پیش کیں۔

(جاری ہے)

اس موقع پر ان کے ہمراہ کیپٹن صفدر،پرویز رشید ، طارق فضل چوہدری، دانیال عزیز ، ایم این اے مہناز اکبر عزیز، جاوید لطیف،عظمی بخاری اورحنا پرویز بٹ بھی موجود تھے ۔ بعد ازاں مریم نواز نے مائیکروبلاگنگ ویب سائٹ ٹویٹر پر ذکی الرحمان کے ساتھ لی گئی تصویر بھی شئیر کی اور اسے اپنی پروفائل پکچر بنایا۔

#NewProfilePic pic.twitter.com/K5CG4ZBSyb
— Maryam Nawaz Sharif (@MaryamNSharif) June 12, 2019

یاد رہے کہ کم سن لیگی کارکن ذکی الرحمان نے پارٹی قائد نواز شریف اور مریم نواز سے فون پر بات کرنے کی خواہش کا اظہار کیا تھا جس پر مریم نواز نے ٹویٹر پر ہی ظفر وال جانے کا اعلان کیا تھا اور کہا تھا کہ میاں نواز شریف نے مجھے ظفر وال جانے اور ذکی سے ملاقات کرنے کی ہدایت کی ہے۔

لہٰذا میں ظفر وال جا رہی ہوں۔ اپنے پیغام میں انہوں نے ذکی الرحمان کے لیے دعا کی اپیل بھی کی۔

This is Zaki, (last stage) cancer patient from Zafarwal, MNS lover, avid PML-N SM activist, whose last wish was to meet me. He was even willing to travel to Lhr for that with 24/7 high grade fever. MNS asked me to go to him myself. On my way to Zafarwal. Request for dua for him. pic.twitter.com/6EcIWuwS4N
— Maryam Nawaz Sharif (@MaryamNSharif) June 12, 2019