شمالی شام میں ’دہشت گردوں‘ کا خاتمہ کر دیں گے، اردوآن

ہفتہ 27 جولائی 2019 09:50

انقرہ ۔ (اُردو پوائنٹ اخبارتازہ ترین - اے پی پی۔ 27 جولائی2019ء) ترک صدر رجب طیب اردوآن نے کہا ہے کہ شام میں دریائے فرات کے مشرقی کنارے پر واقع ’دہشت گردوں کے تمام ٹھکانے‘ تباہ کر دیئے جائیں گے۔

(جاری ہے)

انقرہ میں اپنی حکمران پارٹی کے ارکان سے ایک خطاب میں اردوآن نے کہا کہ شمالی شام میں مجوزہ محفوظ علاقے کے قیام پر امریکا سے جاری مذاکرات کا نتیجہ کچھ بھی نکلے، لیکن وہ ’دہشت گردوں‘ کا خاتمہ ہر صورت ممکن بنائیں گے۔ ترک فورسز شمالی شام میں کرد باغیوں کے خلاف برسر پیکار ہیں۔ انقرہ کے مطابق یہ باغی ترکی میں دہشت گردانہ کارروائیوں میں ملوث ہیں۔