بلدیاتی انتخابات میں خدمت کے جذبہ سے سرشار امیدوار میدان میں اتاریں گے، ڈاکٹر سجاد اعوان

بدھ 21 اگست 2019 12:56

مانسہرہ (اُردو پوائنٹ اخبارتازہ ترین - اے پی پی۔ 21 اگست2019ء) مسلم لیگ (ن) کے حلقہ این اے 14- سے رکن قومی اسمبلی ڈاکٹر سجاد اعوان نے کہا ہے کہ بلدیاتی انتخابات میں کارکنان کی مشاورت سے تحصیل نظامت سے لیکر ویلج کونسلوں تک جذبہ خدمت سے سرشار مضبوط امیدوار میدان میں اتاریں گے، انشاء الله عوامی طاقت سے فتح مسلم لیگ (ن) کا مقدر بنے گی۔

(جاری ہے)

یہاں صحافیوں سے بات چیت کرتے ہوئے انہوں نے کہا کہ کیپٹن (ر) صفدر ہم سب کے محسن ہیں جن کی وجہ سے گذشتہ دور میں ہمارے حلقہ میں 25 ارب روپے سے زائد کے ترقیاتی کام مکمل ہوئے جس میں صرف 9 ارب روپے کا اوگی سوئی گیس پراجیکٹ بھی شامل ہے،، ووٹ کا تقدس بحال کرنے کیلئے مسلم لیگ (ن) دیگر اپوزیشن جماعتوں سے ملکر اپنی جدوجہد جاری رکھے گی۔

انہوں نے کہا کہ مانسہرہ میں اس مرتبہ تحصیل نظامت سے لیکر ویلج کونسلوں تک تمام امیدواران مشاورت سے عمل میں لائے جائیں گے، اصل حقداروں کو ان کا حق دیں گے، پارٹی مفادات کے خلاف کام کرنے والوں کی اب پارٹی میں کوئی جگہ نہیں ہے۔