مظفرگڑھ تا خان گڑھ روڈ ٹوٹ پھوٹ کا شکار، جگہ جگہ گڑھے

ہفتہ 14 ستمبر 2019 17:26

مظفرگڑھ (اُردو پوائنٹ اخبارتازہ ترین - اے پی پی۔ 14 ستمبر2019ء) مظفرگڑھ تا خانگڑھ روڈ کی حالت انتہائی خستہ ہو چکی ہے جبکہ مظفرگڑھ سے علی پور بائی پاس، پیرجہانیاں،دائے والی ماڑی ، منڈا چوک ، پل شمس آباد سے نہر بنگلہ تک سٹی روڈ پر بڑے بڑے گڑھے پڑچکے ہیں جس میں نزدیکی مکینوں نے سیوریج سسٹم نہ ہونے کی وجہ سے گندہ پانی چھوڑ دیا ہے جو تالاب کا منظر پیش کر رہے ہیں جبکہ ان خطرناک گڑھوں میں آئے روز گاڑیاں گر کر تباہ ہو رہی ہیں جبکہ متعدد موٹرسائیکل سوار بھی شدید زخمی ہوچکے ہیں، گاڑیاں الٹنے سے لدا ہوا قیمتی سامان بھی ضائع ہوتا ہے مگر حیران کن امر یہ ہے کہ متعلقہ اداروں اور منتخب ممبران اسمبلی نے تاحال اس روڈ کی دوبارہ تعمیر اور گڑھوں کو پر کرانے کیلئے کوئی نوٹس نہیں لیا اور نہ ہی سیاستدانوں نے کوئی فنڈز ریلیز کرائے ہیں۔

(جاری ہے)

ضلعی صدر مجلس شہریاں مظفرگڑھ رانا امجد علی امجد ایڈووکیٹ نے وزیراعلیٰ پنجاب سے فوری نوٹس لے کر فنڈز ریلیز کر کے روڈ کی ازسر نو تعمیر کا مطالبہ کیا ہے۔

Facebook Twitter Google + Share on Whatsapp

مظفرگڑھ تا خان گڑھ روڈ ٹوٹ پھوٹ کا شکار، جگہ جگہ گڑھے

متعلقہ عنوان :

مزید مقامی خبریں