وزیر اعظم عمران خان سیکورٹی کونسل اجلاس میں بھارتی وزیر اعظم کا اصل چہرہ دنیا کے سامنے بے نقاب کریں گے، وہ دنیا کو کشمیریوں پر ہونے والے انسانیت سوز مظالم کے بارے میں آگاہ کریں گے

پاکستان تحریک انصاف کے رہنماء شوکت بسرا کی نجی ٹی وی سے گفتگو

بدھ 18 ستمبر 2019 23:50

اسلام آباد ۔ (اُردو پوائنٹ اخبارتازہ ترین - اے پی پی۔ 18 ستمبر2019ء) پاکستان تحریک انصاف کے سینئر رہنماء شوکت بسرا نے کہا ہے کہ وزیر اعظم عمران خان سیکورٹی کونسل کے آئندہ اجلاس میں بھارتی وزیر اعظم نریندر مودی کا اصل چہرہ پوری دنیا کے سامنے بے نقاب کریں گے،وہ دنیا کو کشمیریوں پر ہونے والے انسانیت سوز مظالم کے بارے میں آگاہ کریں گے۔

(جاری ہے)

بدھ کو ایک نجی ٹی وی چینل سے گفتگو کرتے ہوئے انہوں نے کہا کہ اپوزیشن اور حکومت کو کشمیر مسئلے پر ایک پلیٹ فارم پر ہونا چاہیے، کم سے کم کشمیر کے ایشو پر سیاست نہیں کرنی چاہئے۔

انہوں نے مزید کہا کہ وزیر اعظم عمران خان سیکورٹی کونسل کے آئندہ اجلاس میں بھارتی وزیر اعظم نریندر مودی کا اصل چہرہ پوری دنیا کے سامنے بے نقاب کریں گے ۔وہ دنیا کو کشمیریوں پر ہونے والے انسانیت سوز مظالم کے بارے میں آگاہ کریں گے ۔ ظورخم باڈر کھولنے کے بارے میں انہوں نے کہا کہ وزیر اعظم نے یہ بہت اچھا قدم اٹھایا ہے، اس سے پاکستان کے معاشی حالات میں بہت بہتری آئے گی۔