Live Updates

ہومیو پیتھک ڈاکٹرز کی تنظیموں کا پریس کلب پرکشمیر بنے کا پاکستان مظاہرہ

شیطان نریندر مودی کو کنکریاں ماریں اور پتلا بھی تذر آتش کیا،کشمیریوں سے یکجہتی کا اظہار

ہفتہ ستمبر 22:10

کراچی(اُردو پوائنٹ اخبارتازہ ترین - این این آئی۔ 21 ستمبر2019ء) ہومیو پیتھک کی12 تنظیموں پرمشتمل فیڈریشن آف سندھ ہومیو پیتھک ایسوسی ایشنزنے کشمیری مسلمانوں سے اظہار یکجہتی کیلئے اور ان پر ڈھائے جانے والے مظالم کے خلاف کراچی پریس کلب پر ہفتہ کو’’ کشمیر بنے کا پاکستان‘‘ مظاہرہ کیا ۔جس میں میل اور فیمیل ہومیو پیتھک ڈاکٹرز اور اسٹوڈنٹس کی بڑی تعداد نے شرکت کی ،اس موقع پرہومیو پیتھک ڈاکٹرز نے موجودہ صدی کے سب سے بڑے شیطان نریندرمودی کو کنکریاں ماریں اور مودی کا پتلا بھی نذر آتش کیا ۔

بعد ازاں ہومیو ڈاکٹرز نے پاک فوج کی حمایت میں نعرے بھی لگائے اور پاک فوج کی ملک کیلئے دی گئی قربانیوں کو خراج عقیدت پیش کیا ۔مظاہرے میں سندھ بھر سے آنے والے ہومیو پیتھک ڈاکٹرز اور تنظیموں کے ممبرز نے بڑی تعداد میں شرکت کی اس موقع پر ہومیو پیتھک کی12 تنظیموں پرمشتمل فیڈریشن آف سندھ ہومیوپیتھک ایسوسی ایشنز کے عہدیداروں ڈاکٹر سیدجاوید شاہ ،ڈاکٹر ظہیر اختر ،ڈاکٹر محمد طیب، ڈاکٹر معین خان ، ڈاکٹر صدیق المدنی، ڈاکٹرعبدالرشید ویانی ڈاکٹر عمران خان،ڈاکٹر جنید بخاری ،ڈاکٹر عباسی ،ڈاکٹر اسلم ،ڈاکٹر صدیق علی انصاری اور ڈاکٹر ابوبکر میمن نے خطا ب کرتے ہوئے کہا کہ کشمیر پاکستان کی شہ رگ ہے اور ہمیشہ رہے گی جس پر مقبوضہ کشمیر کی طرف میلی نظر سے دیکھنے کی کوشش کی اسکا نام و نشان مٹا دینگے ۔

(جاری ہے)

مودی حکومت نے مقبوضہ کشمیر کی حیثیت کو تبدیل کر کے تاریخ کی سب سے بڑی غلطی کی ہے اب وہ سمجھ لے کہ کشمیر کو آزاد ہونے سے کوئی نہیں روک سکتا ،اینٹ کا جواب پتھر سے دینے کا وقت آگیا ہے ۔انہوں نے کہا کہ آج کا مظاہرہ ہومیو پیتھک ڈاکٹرز کی تاریخ کا سب سے بڑا اجتماع ہے جو کشمیر کاز کیلئے متحدہوا ہے۔مظاہرے میں فیڈریشن آف سندھ ہومیو پیتھک ایسوسی ایشنز میں شامل تنظیموں پاکستان ہومیوپیتھک میڈیکل ایسوسی ایشن ، پاکستان ہومیو پیتھک میڈیکل سوسائٹی ، ہومیوپیتھک فارماسوٹیکل اینڈ کیمسٹ ایسوسی ایشن،ہومیوپیتھس میڈیکل آرگنائزیشن ،پاکستان ہومیوپیتھک فزیشن سوسائٹی، ینگ ہومیوپیتھک ڈاکٹرز ویلفیئر ایسوسی ایشن ، اسلامک ہومیوپیتھک میڈیکل ایسوسی ایشن ،آل پاکستان ہومیوپیتھک میڈیکل الائنس ، ایش ویلفیئر ایسوسی ایشن،ہیلتھ اینڈ ہائیجن سوسائٹی، سوسائٹی آف ہومیوپیتھی ،پاکستان ہومیوپیتھک ڈاکٹر ز الائنس اور بزم ہومیوپیتھی،الجناح ہومیو پیتھک ویلفیئر سوسائٹی کے ذمہ داروں اور ممبران شامل تھے۔

تنازعہ مقبوضہ کشمیر کی بھڑکتی ہوئی آگ سے متعلق تازہ ترین معلومات