متحدہ عرب امارات کے ایک خاندان نے 153 دنوں میں دنیا کی سب سے بڑی بائبل لکھ لی

متحدہ عرب امارات سے تعلق رکھنے والے ایک خاندان نے گینیز ورلڈ ریکارڈ بنانے کی کوشش میں دنیا کی سب سے بڑی  بائبل کو ہاتھ سے لکھا ہے۔اس خاندان  کو اس بائبل کو لکھنے میں 153 دن لگے۔
منوج وارگیز، اُن کی بیوی سوسن اور اُن کے بچے  کارون اور کروپا نے  اے 1 سائز کے کاغذوں پر اس بائبل کو لکھا ہے۔ اس خاندان کا کہنا ہے کہ انہوں نے 153 دانوں میں 1500 صفحات کی کتاب کو لکھا ہے۔

(جاری ہے)

انہوں نے بتایا کہ اُن کی آنکھیں اور ہاتھ بھی دکھنے لگے، لیکن اس کے بدلے میں جیسے بائبل اُن سے باتیں کرنےلگی۔
اس خاندان کا کہنا ہے کہ اس بائبل کو گینیز ورلڈ ریکارڈ کی انتظامیہ نے دیکھا ہے۔اس خاندان نے گینیز ورلڈ ریکارڈ کے لیے  بائبل لکھنے کے عمل کا ویڈیو ریکارڈ بھی ترتیب دیا ہے۔مکمل بائبل کو جبل علی  کے مار تھوما چرچ میں نمائش کے لیے پیش کیا جائے گا۔
اس سے پہلے ایک  بھارتی شخص ، سنیل جوزف ،نے 2005 میں ہاتھ سے دنیا کی  سب سے بڑی بائبل لکھی تھی۔ جوزف کی بائبل کا وزن 135 پاؤنڈ تھا اور یہ 123 دنوں میں مکمل ہوئی تھی۔