طب و طبیب سخت آزمائش سے نبرد آزما ہیں‘ حکماء

اپنے اسلاف کی قربانیوں کو فراموش کرنے والی قومیںتباہ و برباد ہوجاتی ہے

منگل 10 دسمبر 2019 13:10

لاہور(اُردو پوائنٹ اخبارتازہ ترین - این این آئی۔ 10 دسمبر2019ء) اپنے اسلاف کی روایات و فرمودات کو فراموش کرنے والی قومیں تباہ و برباد ہوجاتی ہیں، آج ہم اپنے بزرگوں کی باتوں کو یاد رکھیں گے اور انکی اچھی باتوں پر عمل کریں گے تو ہماری آئندہ آنے والی نسلوں کامستقبل تابتاک ہوجائے گا، شفاء الملک حکیم محمد حسن قرشی نے ہمیشہ طب و طبیب کی بھلائی کیلئے اقدامات کیے جو تاریخ کا حصہ ہیں۔

(جاری ہے)

ان خیالات کا اظہار پروفیسر حکیم محمد احمد سلیمی ، پروفیسر حکیم سلیم خان، پروفیسر حکیم اسلم طالب، حکیم رضا الحق،حکیم مفتی محمد یوسف، حکیم سید عمران فیاض، حکیم محمد افضل میو اور دیگر نے بزم قرشی پاکستان کے زیر اہتمام حکیم محمد قرشی کی 45ویں برسی وقرآن خوانی کے موقع پر تقریب سے خطاب کرتے ہوئے کیا۔انہوںنے کہا کہ اس وقت طب و طبیب سخت قسم کی آزمائش سے نبرد آزما ہیں لیکن اللہ تعالیٰ کا شکر ہے کہ شعبہ جراحت اور حجامہ کو جو اس وقت سرکاری سطح پر عزت ملی وہ پہلے کبھی نہ تھی۔ انشاء اللہ بہت جلد نیشنل کونسل فار طب کی اپنی زمین و بلڈنگ ہوگی۔