حملہ آور وکلا کا تعلق سیاسی جماعت سے جوڑنا درست نہیں، فواد چوہدری

جن وکلا نے پاکستان انسٹیٹیوٹ آف کارڈیالوجی پر حملہ کیا ہے ان کو سزا دیکر مثال قائم کریں گے، وفاقی وزیر

جمعہ 13 دسمبر 2019 15:15

حملہ آور وکلا کا تعلق سیاسی جماعت سے جوڑنا درست نہیں، فواد چوہدری

اسلام آباد (اُردو پوائنٹ اخبارتازہ ترین - این این آئی۔ 13 دسمبر2019ء) وفاقی وزیر سائنس و ٹیکنالوجی فواد چوہدری نے کہا ہے کہ پی آئی سی پر حملہ آور وکلا کا تعلق کسی سیاسی جماعت سے جوڑنا درست نہیں ہے یہ بار کی اپنی سیاست ہے۔ایک انٹرویومیں وفاقی وزیر سائنس و ٹیکنالوجی فواد چوہدری نے کہا کہ جن وکلا نے پاکستان انسٹیٹیوٹ آف کارڈیالوجی پر حملہ کیا ہے ان کو سزا دیکر مثال قائم کریں گے۔

(جاری ہے)

انہوں نے کہا کہ حکومت کی رٹ قائم ہونی چاہیے اور پریشر گروپ حاوی نہیں ہونے چاہئیں، حسن نیازی وزیر اعظم عمران خان کے بھانجے کے علاوہ وزیر اعظم کے ناقد حفیظ نیازی کا بیٹا بھی ہے۔وفاقی وزیر نے آئی جی پنجاب کے دفتر کی حفاظت پر رینجرز کی تعیناتی کا جواب دیتے ہوئے کہا کہ بیچارا آئی جی اپنی جان چھڑا رہا ہو گا۔ انہوں نے فیاض چوہان اور معاون خصوصی فردوس عاشق اعوان کے ن لیگ پر لگائے گئے الزامات کی تردید کرتے ہوئے کہا کہ ایسا کچھ نہیں ہے یہ وکلا ہی تھے کسی سیاسی جماعت سے تعلق نہیں تھا ان کی اپنی بار کی سیاست ہے۔