سجاول ضلع میں پولیس نے بھاری مقدار میں تمباکو پتی اور منشیات برآمد کرلی

جمعرات 6 فروری 2020 20:52

سجاول(اُردو پوائنٹ اخبارتازہ ترین - این این آئی۔ 06 فروری2020ء) سجاول ضلع میں پولیس نے بھاری مقدار میں تمباکو پتی اور منشیات برآمد کرلی ہے پولیس ترجمان کے مطابق دڑو میں ایک گودام پر کاروائی کے دوران گھٹکا مٹیریل چودہ سو چالیس کلو گٹکا پتی، پینتیس کلوعظیمہ پتی، چھبیس کٹے نجمہ آٹھ سو پتی، چارکارٹن نجمہ پتی،اکتیس سو پچاس پڑی سفینہ گھٹکے، تیس بورے پلاسٹک کی پنی اور چھیالیس ڈبی عزیزی بتی برآمد کرکے عنایت اللہ سومرو کو گرفتارکرلیاجبکہ مالک ولی پٹھان فرار ہوگیا۔

(جاری ہے)

چوہڑجمالی میں کاروائی کے دوران سلیمان ملاح کو ایک ہزار گھٹکے سمیت گرفتارکیاگیا۔جاتی میں آموں تھیمورسے بتیس تھیلی کچی شراب برآمد کی گئی۔بٹھورو میں تین ملزمان عبدالعزیز، ماموں سمیجو، وسایوبھٹ سے نوے تھیلی ٹھرو کچی شراب اور تین موٹرسائکل سمیت گرفتارکیاگیا۔جبکہ عارف کھٹی کی دکان سے آٹھ تھیلی اور تئیس پڑیاں تمباکو پتی برآمد کی گئی ملزم فرار ہوگیا