پنجاب اسمبلی میں حکومتی بنچوں پر بیٹھے والے 25 سے 27 اراکین حکومت سے تنگ ہیں، رانا مشہود

ن لیگ کی قیادت اجازت دے تو پنجاب میں ایک ماہ میں تبدیلی لے آئیں گے، لیگی رہنما

منگل 25 فروری 2020 22:36

پنجاب اسمبلی میں حکومتی بنچوں پر بیٹھے والے 25 سے 27 اراکین حکومت سے تنگ ..

لاہور (اُردو پوائنٹ اخبارتازہ ترین - آن لائن۔ 25 فروری2020ء) پاکستان مسلم لیگ ن کے رہنما اور سابق صوبائی وزیر تعلیم پنجاب رانا مشہود نے کہا ہے کہ پنجاب اسمبلی میں حکومتی بنچوں پر بیٹھے والے 25 سے 27 اراکین پنجاب اسمبلی حکومت سے تنگ ہیں اور اگر پاکستان مسلم لیگ ن کی قیادت اجازت دے تو ن لیگ پنجاب میں تین ماہ میں نہیں بلکہ ایک ماہ میں تبدیلی لے آئے گی۔

مگر ہم کوئی غیر جمہوری اقدام نہیں اٹھانا چاہتے۔

(جاری ہے)

الحمرا ہال میں منعقدہ ایک تقریب کے بعد میڈیا سے گفتگو کرتے ہوئے رانا مشہود نے کہا کہ جب پی ایم ایل این نے کہا تھا کہ پہلا دھرنا غلط تھا تو پھر دوسرا دھرنا ٹھیک کیسے ہوسکتا ہے۔ انہوں نے کہا کہ ہم نے گراس روٹ لیول پر تنظیم سازی شروع کردی ہے۔ ہم جس وقت چاہیں گے تبدیلی لے آئیں گے۔ ان دنوں اپوزیشن میں تھوڑی سی مایوسی ہے۔ موجودہ حکومت نہ اہل ہے جس نے ملکی معیشت کا بیڑا غرق کردیا ہے۔ ہم لوگوں کے سامنے حکمرانوں کا اصل چہرہ لانا چاہتے ہیں۔