میں اسحاق ڈار کو مشورہ دونگا کہ وہ پاکستان واپس نہ آئے: شاہد خاقان عباسی

حکومت نے یہ فیصلہ کیا ہے کہ جیسے ہی سابق وزیرخزانہ واپس آئیں تو انکو جیل میں ڈال دیا جائے: سابق وزیراعظم کا انٹرویو

اسامہ چوہدری منگل 3 مارچ 2020 23:57

میں اسحاق ڈار کو مشورہ دونگا کہ وہ پاکستان واپس نہ آئے: شاہد خاقان عباسی

اسلام آباد (اردو پوائنٹ اخبار تازہ ترین 3 مارچ 2020) : ایک نجی ٹی وی چینل کو انٹرویو دیتے ہوئے سابق وزیراعظم شاہد خاقان عباسی کا کہنا ہے کہ میں اسحاق ڈار کو مشورہ دونگا کہ وہ پاکستان واپس نہ آئے، حکومت نے یہ فیصلہ کیا ہے کہ جیسے ہی سابق وزیرخزانہ واپس آئیں تو انکو جیل میں ڈال دیا جائے۔ انکا کہنا ہے کہ میرا نام جس دن ای سی ایل میں ڈالا گیا تھا میں اسی دن وطن واپس آ گیا تھا اور واپس آ کہ مقدمات کا سامنا کیاتھا۔

انکا مزید کہنا ہے کہ اسحاق ڈار پر کوئی کیس نہیں ہے، حکومت صرف انکو بے عزت کرنا چاہتی ہے۔ مسلم لیگ ن پر تنقید کرتے ہوئے پاکستان تحریک انصاف کی سیاسی رہنما کنول شوذب نے کہا تھا کہ اسحاق ڈار مفرور ہیں، وہ شاہد خاقان عباسی کے جہاز میں باہر گئے تھے۔

(جاری ہے)

کنول شوذب نے ایک انٹرویو میں کہا تھا کہ علاج کی غرض سے بیرون ملک گئے سابق وزیر اعظم نواز شریف سے متعلق کہا کہ پہلے ہر تھوڑی دیر بعد نواز شریف کی پلیٹ لیٹس کائونٹ آتی تھی۔

کنول شوذب نے کہا تھا کہ انسانی ہمدردی کے تحت نواز شریف کو ملک سے باہر جانے دیا گیا تھا۔انہوں نے نواز شریف کے علاج سے متعلق بات کرتے ہوئے کہا تھا کہ 16 ہفتے سے اوپر گزر چکے ہیں نواز شریف کا علاج نہیں ہو رہا۔کنول شوذب نے کہا کہ ملک کا قانون کہتا ہے کہ نواز شریف کو وطن واپس آنا چاہیے۔ دوسری جانب سینئر صحافی عارف حمید بھٹی کا کہنا ہے کہ لندن سے نواز شریف اور اسحاق ڈار تو کیا کسی مریض کو نہیں لایا جا سکتا۔ انھوں نے کہا کہ برطانیہ کا یہ قانون ہے کہ اگر وہاں کوئی مریض زیرعلاج ہو تو ڈاکٹرکی اجازت کے بغیر اسے کہیں بھی نہیں لے جایا جا سکتا، اگر ان دونوں کو واپس پاکستان لانا ہے کہ حکومت کو بہت اچھی حکمت عملی بنانا ہوگی۔