آزادکشمیر کے دوردراز علاقوں میں معیاری آٹے کی فراہمی یقینی بنائی جائے ،محمد فاروق حیدر

آزادکشمیر میں بدترین موسمی حالات کے باوجود کسی قسم کی قلت نہیں ہوئی ،آٹے کی قیمتوں میں اعتدال رکھنے ،معیار بہتر بنانے کیلئے خصوصی اقدامات اٹھائے جائیں ،وزیراعظم آزادکشمیر کی ہدایت

بدھ 4 مارچ 2020 22:49

مظفر آباد (اُردو پوائنٹ اخبارتازہ ترین - این این آئی۔ 04 مارچ2020ء) وزیراعظم آزادحکومت ریاست جموں وکشمیر راجہ محمد فاروق حیدر خان نے کہا ہے کہ آزادکشمیر کے دوردراز علاقوں میں معیاری آٹے کی فراہمی یقینی بنائی جائے ،یہ امر خوش آئند ہے کہ آزادکشمیر میں بدترین موسمی حالات کے باوجود کسی قسم کی قلت نہیں ہوئی آزادکشمیر کے اندر آٹے کی قیمتوں میں اعتدال رکھنے اور معیار کو بہتر بنانے کے لیے خصوصی اقدامات اٹھائے جائیں آزادکشمیر کے ہر علاقے میں سرکاری آٹے کی سرکاری انراخ پر فراہمی کے ساتھ ساتھ ضروری اسٹاک رکھا جائے ان خیالات کااظہار انہو ں نے محکمہ خوراک کے اعلی سطحی اجلاس سے خطاب کرتے ہوئے کیا اجلاس میں وزیر خوراک سید شوکت علی شاہ ،وزیر خزانہ ڈاکٹر محمد نجیب خان ،سیکرٹری خزانہ ،پرنسپل سیکرٹری ہمراہ وزیر اعظم ،سیکرٹری خوراک و دیگر نے شرکت کی ۔

(جاری ہے)

اجلاس میں آزادکشمیر بھر میں آٹے کی صورتھال کا جائزہ لیا گیا اجلاس کو آزادکشمیر بھر میں کسی بھی قسم کی غذائی قلت سے بچنے کے لیے ضروری اقدامات پر سیکرٹری خوراک نے تفصیلی بریفنگ دی گئی ۔وزیراعظم آزادکشمیر نے ہدایت کی کہ محکمہ مالیات ضروری وسائل کی فراہمی کے لیے اقدامات اٹھائے۔