اولڈ سیکرٹریٹ سمیت شہر کے مختلف علاقوں ،جگہوں پر کرونا وائرس آگاہی پر مشتمل بینرز ، بورڈنصب کرنے کا سلسلہ شروع

بدھ 18 مارچ 2020 21:43

مظفرآباد۔ (اُردو پوائنٹ اخبارتازہ ترین - اے پی پی۔ 18 مارچ2020ء) کرونا وائرس آگاہی مہم کا جہاں حکومتی اورانتظامی سطح پر آغاز کیا جارہا ہے ، وہیں مون کریشنز اورگل آرٹ کی جانب سے اولڈ سیکرٹریٹ سمیت شہر کے مختلف علاقوں ،جگہوں پر کرونا وائرس آگاہی پر مشتمل بینرز ، بورڈنصب کرنے کا سلسلہ شروع کر دیا گیا ہے ، مون کریشنز ،گل آرٹ انتظامیہ کی جانب سے شہریوں میں کرونا وائرس سے آگاہی کے لئے اپنا فرض پورا کرنے کے لئے میدان میں اتر گئے ، مون کریشنز ،گل آرٹ کی خدمات کو دیکھتے ہوئے دوسرے شہری ادارے اور کاروباری شخصیات بھی کرونا وائرس آگاہی میں اپنا حصہ بقدر جسہ حصہ ڈالنے کا سلسلہ شروع کردیا ہے جو کام حکومت کو کرنا چاہیے تھا وہ کام سول سوسائٹی اور کاروباری حضرات نے سرانجام دینا شروع کردیا ہے ،جبکہ حکومت کی جانب سے صرف ٹی وی نشریات کی حد تک کرونا وائرس آگاہی مہم شروع ہو سکی ہے ، تفصیلات کے مطابق آزا د کشمیر کے دارالحکومت مظفرآباد میں قائم پینا فلیکس کا بڑا سنٹرمون کریشنز، گل آرٹ اور مون کریشنز سنٹر نے بھی حکومت سے قدم ملاتے ہوئے اپنا حصہ ڈالنا شروع کردیا ، شہریوں کا گل آرٹ،مون کریشنزکی جانب کرونا وائرس کی آگاہی مہم میں حصہ لینے کا خیر مقدم کرتے ہوئے کہا ہیکہ ہر کام کے لئے حکومتوں اور اداروں کی جانب نہیں دیکھنا چاہیے ، کچھ کام اور چیزیں ریاست کے ہر فرد پر فرض ہیں جن کو سرانجام دینا ایک اعلیٰ مثال ہے ۔