حریت رہنما یاسین ملک کی جسمانی اعضا عطیہ کرنے کی وصیت

کشمیر یوں کی آزادی کیلئے یاسین ملک نے اپنی جوانی اور خاندان کو قربان کیا،اہلیہ مشال ملک

ہفتہ 21 مارچ 2020 21:26

مقبوضہ کشمیر(اُردو پوائنٹ اخبارتازہ ترین - آن لائن۔ 21 مارچ2020ء) بھارت کی قید میں موجود حریت رہنما یاسین ملک نے مرنے کے بعد جسمانی اعضا عطیہ کرنے کی وصیت کردی ہے۔ہفتے کے روزایک بیان میں یاسین ملک نیکہا کہ چاہے کچھ بھی ہو جائے کشمیریوں کی آزادی کیلیے آخری دم تک لڑیں گے۔

(جاری ہے)

انہوں نے اپنے بیان میں کہا کہ کشمیر کی آزادی کی جدوجہد میں کبھی ہتھیار نہیں ڈالوں گا اور جب میں اس دنیا سیچلا جائوں گا تو میرے اعضا عطیہ کردیے جائیں۔

اہلیہ مشال ملک نے یاسین ملک کے حوالے سے کہا کہ حریت رہنما پر ڈیتھ سیل میں بھارتی حکام کا بہیمانہ تشدد جاری ہے۔ان کا کہنا تھا کہ کشمیر یوں کی آزادی کے لیے یاسین ملک نے اپنی جوانی اور خاندان کو قربان کردیا۔مشال ملک نے مزید کہا کہ کشمیر یوں پر بھارتی فورسز کے بہیمانہ مظالم پر دنیا گونگی اور بہری بنی ہوئی ہے۔