وزیراعظم صاحب آپ چھٹی پر چلے جائیں، مولا بخش چانڈیو

وزیراعظم صاحب آپ کو غریبوں کا احساس ہوگا مگر آپ فیصلے نہیں کر پا رہے،مرکزی ترجمان پاکستان پیپلزپارٹی

منگل 24 مارچ 2020 17:31

وزیراعظم صاحب آپ چھٹی پر چلے جائیں، مولا بخش چانڈیو

کراچی(اُردو پوائنٹ اخبارتازہ ترین - این این آئی۔ 24 مارچ2020ء) پاکستان پیپلزپارٹی کے مرکزی ترجمان سنیٹرمولابخش چانڈیو نے کہاہے کہ میں وزیراعظم عمران خان صاحب سے مطالبہ کرتا ہوں کہ وہ چھٹی پر چلے جائیں، وزیراعظم صاحب آپ کو غریبوں کا احساس ہوگا مگر آپ فیصلے نہیں کر پا رہے۔

(جاری ہے)

منگل کو جاری اپنے بیان میں مولابخش چانڈیو نے کہا کہ وبا سے نمٹنے کے معاملے پر بھی وزیراعظم صاحب کا رویہ غیرسنجیدہ ہے، انہوں نے کہا کہ خان صاحب چھٹی پر جائیں تاکہ ادارے آزادانہ کام کرسکیں۔ترجمان پیپلز پارٹی نے کہا کہ سندھ حکومت نے لاک ڈائون کا فیصلہ کیا تو وزیراعظم نے مخالفت کی۔انہوں نے کہا کہ خان صاحب نے لاک ڈائون سے انکار کیا لیکن اگلے دن دیگر صوبوں نے بھی لاک ڈائون کا فیصلہ کیاگیا۔