وزیراعظم آزاد کشمیر راجہ محمد فاروق حیدر کی زیر صدارت ویڈیو لنک کے ذریعے اہم اجلاس منعقد

کسی فرد کو آزاد کشمیر آنے کی اجازت نہیں ہو گی، آزادکشمیر کے وہ شہری جو باہر مقیم ہیں اپنا قیام وہیں رکھیں،راجہ محمد فاروق حیدر

منگل 24 مارچ 2020 23:44

اسلام آباد/مظفر آباد ۔ (اُردو پوائنٹ اخبارتازہ ترین - اے پی پی۔ 24 مارچ2020ء) وزیراعظم آزاد کشمیر راجہ محمد فاروق حیدر کی زیر صدارت ویڈیو لنک کے ذریعے اہم اجلاس منعقد ہوا، اجلاس میں مختلف اداروں کے ذمہ داران نے اعلیٰ سطح کے اجلاس میں شرکت کی۔ اجلاس میں فیصلا کیا گیا کہ کسی فرد کو آزاد کشمیر آنے کی اجازت نہیں ہو گی۔

(جاری ہے)

آزادکشمیر کے وہ شہری جو باہر مقیم ہیں اپنا قیام وہیں رکھیں، آزادکشمیر کے انٹری پوائنٹس کو مکمل بند کر دیا گیا ہے۔

راجہ فاروق حیدر نے کہا کہ سوائے مال بردارگاڑیوں کے کسی کو بھی پیدل سفر کرنے کی اجازت نہیں دی جائیگی۔ یہ اقدامات آپ کے پیاروں کی حفاظت کے لیے ہیں ۔برائے مہربانی ایک ماہ تک آزادکشمیر کا سفر نہ کریں ۔منگل کو وزاعظم آزاد کشمیر کے دفتر سے جاری بیان کے مطابق آزادکشمیر کے جو لوگ دوسرے شہروں میں گئے ہیں ان کی واپسی پر بھی فوری پابندی لگا دی گئی ہے۔