TECNO Mobile کی جانب سے اپنے نئے ماڈل Camon 15 کو پاکستان میں متعارف کرادیا گیا

پہلے ہی روز 3.4 ملین ڈالرز کے آرڈرز موصول، ایوںٹ کی شاندار کامیابی کے بعد کمپنی کا کرونا وائرس کیخلاف جنگ میں حکومت پاکستان کی بھرپور مدد کرنے کا اعلان

منگل 24 مارچ 2020 22:20

لاہور (اُردو پوائنٹ اخبارتازہ ترین۔ 24 مارچ2020ء) TECNO Mobile کی جانب سے اپنے نئے ماڈل Camon 15 کو پاکستان میں متعارف کرادیا گیا، پہلے ہی روز 3.4 ملین ڈالرز کے آرڈرز موصول، ایوںٹ کی شاندار کامیابی کے بعد کمپنی کا کرونا وائرس کیخلاف جنگ میں حکومت پاکستان کی بھرپور مدد کرنے کا اعلان۔ تفصیلات کے مطابق TECNO Mobile کی جانب سے اپنے نئے ماڈل Camon 15 کو پاکستان میں متعارف کرادیا گیا ہے۔

پاکستان میں پہلی مرتبہ کسی اسمارٹ فون کو Live Broadcast Event میں لانچ کیا گیاہے۔

ایونٹ کو 13 مختلف سوشل میڈیا چینلز پر بھی لائیو نشر کیا گیا، جسے مشہور اداکارہ جگن کاظمی نے ہوسٹ کیا۔ Camon 15 کے خصوصی فیچرز میں سم سے نمایاں 48MP Ultra Quad کیمرہ کے ساتھ ساتھ 32 MP POP-UP سیلفی کیمرہ شامل ہے۔

(جاری ہے)

لائیو ایونٹ میں TECNO Mobile کی نئی Brand Ambassador ، Mehwish Hayat نے بھی شرکت کی۔

ایونٹ کا آغازٹیکنو کے جنرل مینجر Creek Ma نے کیا، ان کا کہنا تھا کہ ہم ہمیشہ اپنے صارفین کے لئے جدید ٹیکنالوجی کومتعارف کرانے کے کئے کوشاں رہتے ہیں۔

ٹیکنو موبائل کے سیلز مینجر عدیل طاہر نے نئے ماڈل کی پرائس اور فیچرز بتائے۔ ٹیکنو موبائل کے ڈسٹریبیوٹرز کی بڑی تعداد نے بھی اس ایونٹ میں شرکت کی۔

Camon 15 دو شاندار ویرئنٹس میں متعارف کرایا گیا ہے۔ جس میں Camon 15 4+62GB 22,499/- روپے کی قیمت اور 29,999/- Camon 15 PRO 6+128GBروپے کی قیمت میں ریٹیل اور Daraz پر دستیاب ہے ۔ DARAZ سے آن لائن آرڈر کرنے والے صارفین ٹیکنو موبائل کی جانب سے گفٹ بھی حاصل کر سکتے ہیں۔

بتایا گیا ہے کہ متعارف کروائے جانے کے پہلے روز ہی Camon 15 کے 3.4 ملین ڈالرز کے آرڈرز موصول ہوئے ہیں۔ اس ایونٹ کی شاندار کامیابی کے بعد TECNO Mobile نے اعلان کیا ہے کہ کرونا وائرس کیخلاف جنگ میں حکومت پاکستان کی بھرپور مدد کی جائے گی۔ یاد رہے، کہ پاکستان میں موجودہ کرونا وائرس کی صورتحال کے پیش نظر یہ ایونٹ 15 مارچ کو ریکارڈ کر لیا گیا تھا۔ جسے 24 مارچ کو نشر کیا گیا ہے۔