Live Updates

صوبائی اور ضلعی عہدیداروں اور کارکنوں کو عوام کو درپیش مسائل کو دور کرنے میں ان کی مدد کرنے کی ہدایت

جمعرات مارچ 16:30

گلگت ۔ (اُردو پوائنٹ اخبارتازہ ترین - اے پی پی۔ 26 مارچ2020ء) پاکستان تحریک انصاف گلگت بلتستان کے صوبائی صدر سید جعفر شاہ نے تمام صوبائی اور ضلعی عہدیداروں اور کارکنوں کو کورونا وائرس کے خطرے کے پیش نظر عوام کو درپیش مسائل کو دور کرنے میں ان کی مدد کرنے کی ہدایت کی ہے۔

(جاری ہے)

انہوں نے پارٹی دفاتر کو امدادی مراکز میں تبدیل کرنے اور رہنماؤں اور کارکنوں کو ھمہ وقت چوکس رہنے اور دیگر امدادی اور قانون نافذ کرنے والے اداروں کے ساتھ تعاون کرنے کی تلقین کی ہے انہوں نے مخیر حضرات سے دل کھول کر عوام کی مدد کرنے کی درخواست کی ہے۔

پارٹی کے صوبائی ترجمان اکبر حسین اکبر کی طرف سے جاری کردہ ایک بیان کے مطابق سید جعفر شاہ نے کہا ہے کہ وفاقی حکومت گلگت بلتستان کے حالات سے بخوبی آگاہ ہے اور اس قدرتی آفت سے علاقے کے عام کو محفوظ رکھنے کے لیے تمام تر اقدامات کر رہی ہے انہوں نے کہا کہ وزیر اعظم عمران خان نے ماسکس ، ٹیسٹنگ کٹس اور دیگر ضروری اشیاء کے علاؤہ گلگت بلتستان کیلئے ایک ائیر ایمبولینس دینے کا اعلان کیا ہے جس سے علاقے کے عوام سے ان کی محبت کا بخوبی اندازہ لگایا جا سکتا ہے۔
کرونا وائرس کی تباہ کاریاں سے متعلق تازہ ترین معلومات