Live Updates

افغانستان سے پھر سے پاکستان پر حملہ

دونوں اطراف سے شدید فائرنگ کا تبادلہ، سرحدی علاقے کو خالی کروا لیا گیا

محمد علی منگل 14 اکتوبر 2025 22:34

کرم ایجنسی (اُردو پوائنٹ اخبارتازہ ترین۔ 14 اکتوبر2025ء) افغانستان سے پھر سے پاکستان پر حملہ، دونوں اطراف سے شدید فائرنگ کا تبادلہ، سرحدی علاقے کو خالی کروا لیا گیا۔ تفصیلات کے مطابق گزشتہ دنوں پاک فوج کی جانب سے دیے گئے منہ توڑ جواب کے باوجود افغانستان سے پاکستان کیخلاف اشتعال انگیز کاروائیوں کا سللسہ جاری ہے۔

(جاری ہے)

میڈیا رپورٹس کے مطابق منگل کی شب کو ایک مرتبہ پھر افغانستان سے پاکستان کے علاقوں میں بلااشتعال فائرنگ کی گئی، جس کے بعد پاک فوج کی جانب سے بھی منہ توڑ جواب دیا گیا۔

دونوں جانب سے شدید فائرنگ کا سلسلہ 2 گھنٹے تک جاری رہا۔ شورکو پاک کے علاقے میں افغانستان سے کیے جانے والے حملے کے بعد پاک فوج کے بھرپور جواب کے باعث افغان چیک پوسٹوں کو شدید نقصان پہنچا۔ جبکہ افغانستان سے کی جانے والی اشتعال انگیزی کے بعد شورکو پاک کے علاقے کو خالی کروا لیا گیا۔