کراچی چیمبر کی ممبرشپ تجدید کی آخری تاریخ30اپریل تک بڑھا دی گئی، ترجمان

جمعرات 26 مارچ 2020 17:09

کراچی۔ (اُردو پوائنٹ اخبارتازہ ترین - اے پی پی۔ 26 مارچ2020ء) کے سی سی آئی کی ممبرشپ کی تجدید کی آخری تاریخ 31مارچ2020سے 30اپریل2020 تک بڑھا دی گئی۔ کراچی چیمبر آف کامرس اینڈ انڈسٹری ( کے سی سی آئی ) کے ترجمان نے ڈائریکٹوریٹ جنرل آف ٹریڈ آرگنائزیشن ( ڈی جی ٹی او ) کے جاری کردہ ایک نوٹیفکیشن کا حوالہ دیتے ہوئے آگاہ کیا ہے کہ کرونا وائرس کی وبا پھیلنے کی وجہ سے کے سی سی آئی کی ممبرشپ کی تجدید کی آخری تاریخ 31مارچ2020سے 30اپریل2020 تک بڑھا دی گئی ہے ۔

کے سی سی آئی نے اپنے تمام ممبران سے درخواست کی ہے کہ وہ کسی بھی قسم کی پریشانی سے بچنے کے لیے 30اپریل2020 تک اپنی ممبرشپ کی تجدید کروالیں۔ جیسا کہ کراچی میں جاری لاک ڈاؤن کی وجہ سے کے سی سی آئی کا دفتر بند ہے لہٰذا تمام ممبران کو ممبرشپ تجدید کی فیس آن لائن جمع کرانے کی سہولت فراہم کی گئی ہے جس کے ذریعے وہ حبیب میٹروپولیٹن بینک کی کسی بھی برانچ میں کے سی سی آئی کے اکاؤنٹ نمبر6-11-12-20311-714-206195 میں آن لائن فیس جمع کرواسکتے ہیں جبکہ انکم ٹیکس وسیلز ٹیکس ریٹرن جمع کروانے کے ثبوت(اگر قابل اطلاق ہو) کے ہمراہ فیس ادائیگی کی رسید کی اسکین کاپیاں[email protected] یا[email protected] پرلازمی طور پرای میل کی جائیں۔

(جاری ہے)

اس کے علاوہ کے سی سی آئی کے ترجمان نے بتایا کہ اٹیسٹیشن دیپارٹمنٹ جو جزوی طور پر پیر سے جمعرات تک مخصوص اوقات میں کام کرتا ہے، جمعہ کے روز یہ ڈیپارٹمنٹ صرف ڈیڑھ گھنٹے کے لئے دن گیارہ بجے سے ساڑھے بارہ بجے تک کھلے گا جبکہ ہفتہ کے روز بینکوں کی بندش کے باعث کے سی سی آئی کا اٹیسٹیشن ڈیپارٹمنٹ بھی مکمل طور پر بند رہے گا۔