ڈسٹرکٹ پولیس آفیسر کی ہدایات پر جرائم پیشہ افراد کیخلاف کاروائیاں جاری، ملزمان گرفتار، مقدمات درج

عمر جمشید جمعرات 26 مارچ 2020 22:24

جہلم (اُردو پوائنٹ اخبارتازہ ترین۔ 26 مارچ2020ء،نمائندہ خصوصی،طارق مجید کھوکھر) ڈسڑکٹ پولیس آفیسر جہلم رانا عمر فاروق کی ہدایت پر سماج دشمن عناصرکے خلاف جہلم پولیس کا کریک ڈاؤن جاری ،۔اسسٹنٹ کمشنر جہلم ذوالفقار احمد نے دوران چیکنگ دوکاندار جنید ظفر ولد ظفر اقبال سکنہ روہتاس روڈ جہلم کو موبائل شاپ کھولنے اور دفعہ 144ض ف کی خلاف ورزی کرنے پر تھانہ صدر میں مقدمہ درج کر دیا۔

(جاری ہے)

اسسٹنٹ کمشنر جہلم ذوالفقار احمد نے دوران چیکنگ دوکاندارظل سبحان ولد محمد ارشد سکنہ روہتاس روڈ جہلم کو ویڈوز گیمز سنٹر کھولنے پر تھانہ صدر میں مقدمہ درج کر دیا۔۔اے ایس آئی محمد معروف تھانہ سٹی نے دوران گشت /چیکنگ دوکاندار طلحہ رشید ولد ارشد محمود سکنہ چتن جہلم نے خانساماں محلہ ریلوے روڈ پر برین نیٹ کیفے کھول رکھا تھا اور کافی لوگ اکھٹے کر رکھے تھے مذکورہ شخص نے دفعہ 144ض ف کی خلاف ورزی کرنے پر تھانہ سٹی نے مقدمہ درج کر لیا۔۔ایس آئی ظہیرالدین بابر انچارج پولیس چوکی کالاگجراں نے دوران گشت ملزم ماجد عرف موجو ولد محمد رفیق سکنہ محلہ دارا کالا گجراں جہلم سے 260گرام چرس برآمد کر کے مقدمہ درج کرلیا۔