پاکستانی مارشل آرٹسٹ نے اپنی کہنی سے ایک منٹ میں 256 اخروٹ توڑ کر عالمی ریکارڈ بنا لیا

امین اکبر پیر 30 مارچ 2020 23:52

پاکستان کے مارشل آرٹسٹ نے اپنی کہنی سے ایک منٹ میں 256 اخروٹ توڑ کر نیا گینیز ورلڈ ریکارڈ بنایا ہے۔
گینیز ورلڈ ریکارڈ نے اس کوشش کا جائزہ لینے کے بعد اعلان کیا ہے کہ محمد راشد نے بھارتی مارشل آرٹسٹ پربھاکر ریڈی کا 229 اخروٹ توڑنے کا ریکارڈ توڑ دیاہے۔

(جاری ہے)

گینیز ورلڈ ریکارڈ نے بتایاکہ محمد راشدنے یہ ریکارڈ دسمبر 2019 میں میں بنایا تھا۔محمد راشد اس سے پہلے بھی کئی عالمی ریکارڈ بنا چکے ہیں۔ وہ سر سے اخروٹ توڑنے، کہنی سے کین توڑنے اور ناریل کو سر سے توڑنے کے عالمی ریکارڈ بھی اپنے نام کر چکے ہیں۔