جنوبی افریقا کے سیاست دان کو اُن کی محبوب مرسیڈیز کے ساتھ ہی دفن کر دیا گیا

امین اکبر جمعہ 10 اپریل 2020 23:49

پچھلے ہفتے جنوبی افریقا کے ایک نامور سیاستدان چل بسے تو اُن کی آخری خواہش کے مطابق ا انہیں تابوت کی بجائے اُن کی محبوب مرسیڈیز لیموزین میں دفن کیا گیا۔
ایسٹرن کیپ میں یونائیٹڈ ڈیموکریٹک موومنت (یو ڈی ایم) کے سابق رہنما تشکیدی بوفٹون پٹسو کا انتقال پچھلے ہفتے ڈرائیو وے پر اپنی محبوب مرسیڈیز کی طرف جاتے ہوئے ہوا۔ یہ 1990 کی دہائی کی سیکنڈ ہینڈ مرسیڈیز ای 500 لیموزین تھی۔

سابق کاروباری شخص تشکیدی کے پاس کبھی پرتعیش مرسیڈیز گاڑیوں کا پورا بیڑہ تھا۔ تاہم مشکل حالات پیدا ہونے پر انہیں یہ سب گاڑیاں فروخت کرنا پڑیں۔کسی نہ کسی طرح انہوں نے ایک ای 500 گاڑی خرید لی۔ اس گاڑی کے بارے میں کہا جا تا تھا کہ یہ خراب ہو چکی ہے اور اب نہیں چلے گی۔تشکیدی اس گاڑی کو استعمال کر کے کافی محظوظ ہوتے۔

(جاری ہے)

اس میں موجود ریڈیو کو سنتے۔

یہ دنیا میں اُن کی محبوب ترین چیز بن گئی۔ انہوں نے اپنی زندگی میں ایک بار اپنے گھر والوں سے اسی گاڑی میں دفن ہونے کی خواہش کا اظہار کیا تھا۔ پچھلے ہفتے جب اُن کی وفات ہوئی توا ُن کے گھر والوں نے ان کی خواہش کے احترام میں انہیں اسی گاڑی میں دفنا دیا۔
کووڈ-19 کی وبا کے باوجود اُن کی آخری رسومات میں بہت سے لوگوں نے شرکت کی۔ آخری رسومات سر انجام دینے والے شخص نے پریس کو بتایا کہ خاندان کی خواہش کے مطابق تکشیدی کو تابوت کی بجائے گاڑی میں دفن کرنا کافی مشکل اور پریشان کن تھا۔

آخری رسومات کی وائرل تصاویر میں تکشیدی کو اپنی محبوب مرسیڈیز کی ڈرائیونگ سیٹ پر بیٹھے دکھایا گیا ہے، اُن کے ہاتھ سٹیرنگ وہیل پر ہیں اور اُن کے گرد سیٹ بیلٹ بندھی ہے۔ اس گاڑی کو ایکسکاویٹر کی مدد سے کھودی گئی 8 فٹ گہری قبر میں دفن کردیا گیا ۔