49 دن کے لاک ڈاؤن کے بعد ہسپانوی باشندے سڑکوں پر امڈ آئے

ہفتے کے روز لاک ڈاؤن میں نرمی کے بعد لوگ سڑکوں پر سائیکلیں چلانے اور ورزش کرنے کے لیے بڑی تعداد میں نکل آئے

کامران حیدر اشعر اتوار 3 مئی 2020 07:22

میڈرڈ (اُردو پوائنٹ اخبارتازہ ترین۔ 03 مئی 2020ء) 49 دن کے لاک ڈاؤن کے بعد ہسپانوی باشندے سڑکوں پر امڈ آئے۔ ہفتے کے روز لاک ڈاؤن میں نرمی کے بعد لوگ سڑکوں پر سائیکلیں چلانے اور ورزش کرنے کے لیے بڑی تعداد میں نکل آئے۔ تفصیلات کے مطابق اسپین میں کئی ہفتوں سے جاری لاک ڈاؤن میں نرمی ہوتے ہی لوگوں کی بڑی تعداد نے سڑکوں رخ کر لیا۔ خبر ایجنسی کے مطابق اسپین میں لاک ڈاؤن میں نرمی کے بعد لوگ بھاری تعداد میں سڑکوں پر نکل آئے۔

ہسپانوی ٹی وی کی ایک ویڈیو میں کئی ہفتوں کے بعد پہلی مرتبہ سپین میں لوگوں کو سڑکوں پر سائیکل چلاتے، ورزش کرتے اور چلتے پھرتے دیکھا جا سکتا ہے۔ اسپین میں حکومت نے حال ہی میں لاک ڈاؤن میں کچھ نرمی کا اعلان کیا تھا۔ یاد رہے کہ ایک ہفتہ قبل سپین میں بچوں کو باہر نکالنے کی اجازت دے دی گئی تھی۔

(جاری ہے)

اسپین دنیا کے ان ممالک میں شامل ہے جہاں کورونا وائرس نے آبادی کو بری طرح متاثر کیا ہے۔

تازہ اعداد و شمار کے مطابق اسپین میں کورونا وائرس کے 2 لاکھ 40 ہزار سے زائد زیادہ مصدقہ کیسز تھے اور ملک میں مہلک وائرس سے تقریباََ 25 ہزار ہلاکتیں ہوئی ہیں۔

Joggers, cyclists and surfers across #Spain hurry out of their homes, allowed to exercise outdoors for the first time in seven weeks as the government began easing tough #coronavirus restrictions.https://t.co/O36Gr3ZguH
— Al Arabiya English (@AlArabiya_Eng) May 2, 2020

پہلے لوگوں کو صرف اشیائے خوردونوش کی خریداری کے لیے باہر نکلنے کی اجازت تھی یا گھر سے کام نہ کر پانے والوں کو دفاتر جانے کی اجازت تھی۔ گزشتہ ہفتے تک اسپین وہ واحد یورپی ملک تھا جہاں بچوں کے باہر نکلنے پر مکمل پابندی تھی۔

تاہم اب وہاں پر لاک ڈاؤن میں نرمی کر دی گئی ہے جس کے بعد لوگوں کا جم غفیر سڑکوں پر تقریباََ 7 ہفتوں کے لاک ڈاؤن کے بعد ورزش کرتے دیکھا گیا ہے۔ لاک ڈاؤن میں نرمی کے بعد ہسپانوی وزیر اعظم کا کہنا تھا کہ ملک میں لاک ڈاؤن میں نرمی کر دی گئی ہے جس کے بعد شہریوں پر خود کو قابو میں رکھنے اور ذمہ داری کا مظاپرہ کرنے کی توقع ہے تاکہ کورونا سے پیدا ہونے والے خدشات کو کم کیا جا سکے۔