پہلے 2 ہفتے کا لاک ڈاؤن انتہائی کامیاب رہا، بلاول بھٹو

کورونا کیخلاف سندھ میں فیزٹو شروع کررہے، سب کے تعاون کی ضرورت ہے، پاک فوج صوبائی حکومت کی مدد کررہی ہے،عمران خان مشکل صورتحال میں کام نہیں کرسکتے تواستعفا دے کرکسی اورکو کرسی پربٹھائیں۔ چیئرمین پیپلزپارٹی بلاول بھٹو

ثنااللہ ناگرہ پیر 4 مئی 2020 21:16

پہلے 2 ہفتے کا لاک ڈاؤن انتہائی کامیاب رہا، بلاول بھٹو

کراچی (اردوپوائنٹ اخبارتازہ ترین۔ 04 مئی 2020ء) پاکستان پیپلزپارٹی کے چیئرمین بلاول بھٹو نے کہا ہے کہ پہلے 2 ہفتے کا لاک ڈاؤن انتہائی کامیاب رہا، کم وسائل کے باوجود کافی حد تک کامیاب ہوئے، کورونا کیخلاف قومی اتفاق رائے کی ضرورت ہے، جس میں وفاقی حکومت ناکام رہی،عمران خان کو چاہیےمشکل صورتحال میں استعفا دے کر کسی اور کو کرسی پربٹھائیں۔ انہوں نے آج یہاں گفتگو کرتے ہوئے کہا کہ پہلے دوہفتے کا لاک ڈاؤن کامیاب رہا اور اس کے نتائج ملے۔

ہم کم وسائل کے باوجود کافی حد تک کامیاب ہوئے ہیں۔ صوبے اپنے وسائل کے مطابق کورونا سے مقابلہ کر رہے ہیں۔ ڈاکٹرز نے اپنے تحفظ کی بات کی تو اس کو سیاسی رنگ دینے کی بات کی گئی۔ کورونا کے خلاف جنگ میں قومی اتفاق رائے کی ضرورت ہے۔

(جاری ہے)

انہوں نے کہا کہ کورونا کے خلاف پوری ریاست کو ایک پیج پر ہونا چاہیے۔ قومی اتفاق رائے کی ذمہ داری وفاقی حکومت کی ہوتی ہے۔

کورونا کیخلاف جنگ میں اتفاق رائے کا فقدان ہے جس کے ذمہ دار وزیراعظم ہیں۔ انہوں نے کہا کہ وزیراعظم کا استعفا ہم شروع دن سے مانگ رہے ہیں۔ کورونا کی صورتحال میں استعفا نہیں مانگ رہا لیکن عمران خان وزیراعظم بن کرکام کریں۔ عمران خان کو چاہیے اس مشکل صورتحال میں خود استعفا دے کرکرسی پر کسی اور کو بٹھائیں۔ انہوں نے کہا کہ کورونا سے نمٹنے کیلئے سندھ میں فیزٹو شروع کررہے، سب کے تعاون کی ضرورت ہے، پاک فوج صوبائی حکومت کی مدد کررہی ہے۔

رواں ہفتے لاڑکانہ اور گمبٹ میں کورونا ٹیسٹنگ لیب کام شروع کریں گے۔ دوسرے صوبوں کے مقابلے میں سندھ میں زیادہ ٹیسٹ ہو رہے ہیں۔ سندھ حکومت کورونا کے یومیہ 5 ہزار ٹیسٹ کرسکتی ہے۔ انہوں نے کہا کہ میرے کچھ بیانات غلط انداز میں پیش کیے گئے ان کا جواب دینا توہین سمجھتا ہوں۔ کچھ لوگ بدنیتی سے میرے بیانات کوغلط انداز میں پیش کرکے تنقید کرتے ہیں۔ مجھ پر وہی لوگ تنقید کررہے ہیں جن کا ایجنڈا صوبے کو ٹکڑے کرنا ہے۔

Facebook Twitter Google + Share on Whatsapp

پہلے 2 ہفتے کا لاک ڈاؤن انتہائی کامیاب رہا، بلاول بھٹو

متعلقہ عنوان :

مزید اہم خبریں