مظفرآباد،مہاجر کیمپ مانکپیاں میں کرونا کیسز آنے کے بعد سیل کیے گئے ایریا میں یوٹیلٹی سٹور موبائل کی سہولت فراہم،روزانہ استعمال کی اشیاء کی خریداری کی جاسکے گی

اتوار 10 مئی 2020 16:50

مظفرآباد(اُردو پوائنٹ اخبارتازہ ترین - این این آئی۔ 10 مئی2020ء) مہاجر کیمپ مانکپیاں میں کرونا کے سات مثبت کیسز آنے کے بعد سیل کیے گئے ایریا میں ضلعی انتظامیہ کی جانب سے یوٹیلٹی سٹور موبائل کی سہولت فراہم،یوٹیلٹی سٹور موبائل کے ذریعے روزانہ استعمال کی اشیاء کی خریداری کی جاسکے گی۔

(جاری ہے)

تفصیلات کے مطابق ڈپٹی کمشنرمظفرآباد بدر منیر نے مانک پیاں مہاجر کیمپ میں سات کرونا کے مثبت کیس آنے کے بعد سیل کیے گئے ایریا میں اشیائے خوردونوش کی خریداری کے لیے یوٹیلٹی سٹور موبائل کی سہولت فراہم کردی ہے۔

مہاجر کیمپ کے متاثرہ ایریا میں موجود گھرانے اس یوٹیلٹی سٹور موبائل سے باآسانی خریداری کرسکتے ہیں ۔ڈپٹی کمشنر مظفرآباد بدر منیر نے مہاجرین کی مشکلات کو مد نظر رکھتے ہوئے یوٹیلٹی سٹور موبائل کی سہولت فراہم کی ہے ۔سیل ایریا میں پولیس نفری تعینات ہے ،ڈپٹی کمشنر مظفرآباد اور محکمہ صحت کی ٹیم روزانہ کی بنیاد پر متاثرہ ایریا کا دورہ کررہے ہیں