بلاول بھٹو زرداری کا بھان سعید آباد سے تعلق رکھنے والے سینیئر کارکن حمزو بھنڈ کے انتقال پر اظہار رنج و غم

جمہوریت کی خاطر حمز و بھنڈنے آمر ضیاء کے ہاتھوں قید و بند کی صعوبتیں بھی برداشت کیں،بلاول بھٹو زرداری

ہفتہ 16 مئی 2020 20:21

بلاول بھٹو زرداری کا بھان سعید آباد سے تعلق رکھنے والے سینیئر کارکن ..

اسلام آباد (اُردو پوائنٹ اخبارتازہ ترین - این این آئی۔ 16 مئی2020ء) پی پی پی چیئرمین بلاول بھٹو زرداری نے بھان سعید آباد سے تعلق رکھنے والے سینیئر کارکن حمزو بھنڈ کے انتقال پر اظہار رنج و غم کا اظہار کیا ہے ۔

(جاری ہے)

ایک بیان میں بلاول بھٹو زر داری نے کہاکہ مرحوم حمزو بھنڈ پکا جیالا اور ثابتقدم کارکن تھا،انہوں نے شہید محترمہ بینظیر بھٹو کی زیرقیادت ایم آر ڈی کی جدوجہد میں صفِ اول کے سپاہی کا کردار نبھایا۔

بلاول بھٹو زرداری نے کہاکہ جمہوریت کی خاطر انہوں نے آمر ضیاء کے ہاتھوں قید و بند کی صعوبتیں بھی برداشت کیں،ان کی جدوجہد اور قربانیاں پارٹی قیادت اور کارکنان کو ہمیشہ یاد رہیں گی۔بلاول بھٹو زرداری نے سوگوار خاندان سے دلی تعزیت و ہمدردی کا اظہار کیا۔ انہوںنے کہاکہ دعاگو ہوں، اللہ تعالیٰ مرحوم کو جنت الفردوس اور لواحقین کو صبر جمیل عطا فرمائے۔