پاکستان میں کورونا سے متاثرہ افراد کیلئے اچھی خبر آگئی

پاکستان میں کورونا وائرس کی ویکسین کا ٹرائل جلد شروع ہوجائےگا، آکسفورڈ یونیورسٹی نے ویکسین تیار کی، ہمارا ان کے ساتھ اشتراک ہے، اس لیے ویکسین کے ٹرائل کا حصہ بنیں گے، چین سے بھی جلد ٹرائل کی بات چل رہی ہے۔ وائس چانسلر یوایس ایچ ڈاکٹرجاوید اکرم

ثنااللہ ناگرہ اتوار 17 مئی 2020 20:41

پاکستان میں کورونا سے متاثرہ افراد کیلئے اچھی خبر آگئی

لاہور (اردوپوائنٹ اخبارتازہ ترین۔17 مئی 2020ء) پاکستان میں کورونا سے متاثرہ افراد کیلئے اچھی خبر سامنے آگئی، پاکستان میں کورونا وائرس کی ویکسین کا ٹرائل جلد شروع ہوجائے گا، آکسفورڈ یونیورسٹی نے ویکسین تیار کی ہے، ہم ویکسین ان کے ساتھ ویکسین کی تیاری نہیں کرسکے، لیکن اب ان کے ساتھ ٹرائل کا حصہ بنیں گے۔انہوں نے نجی ٹی وی کے پروگرام میں تبصرہ کرتے ہوئے کہا کہ ہمارا آکسفورڈ کے ساتھ پہلے ہی اشتراک چل رہا ہے، آکسفورڈ یونیورسٹی میں ہم نے یونیورسٹی ہیلتھ سائنسز کی چیئرقائم ہوئی ہے۔

ہم ویکسین کی تیاری میں تو ان کے ساتھ کام نہیں کررہے، کیونکہ آکسفورڈ یونیورسٹی کی ایک ویکسین تیار ہوچکی ہے، اس لیے ہم ویکسین کی تیاری میں نہیں اب ہم ویکسین کے ٹرائل میں ان کا حصہ بننے جا رہے ہیں ۔

(جاری ہے)

ہم ان کے ساتھ معاہدہ کرنے جا رہے ہیں۔ ہم نے چین کے ساتھ بھی ہماری بات چیت چل رہی ہے، کہ ان کی ویکسین کا ٹرائل ہم اپنی آبادی میں فیز ون سے کریں گے، جو کہ ہم آسانی سے کرسکتے ہیں۔

ان ویکسین کی پاکستان میں مریضوں پر آزمائش سے ہمیں پتا چل جائے گا کہ پاکستان میں کس قدر مئوثر ہے۔انہوں نے کہا کہ پاکستان میں کورونا وائرس کی ویکسین کا ٹرائل جلد شروع ہوجائے گا۔ویکسین کے ٹرائل کیلئے مختلف یونیورسٹیوں سے رابطے میں ہیں۔ مزید برآں ڈاکٹر جاوید اکرم کا کہنا ہے کہ حکومت نے نام نہاد لاک ڈاؤن میں جو نرمی کی ہے، اس کے نتائج 15دن بعد آئیں گے۔

وائرس پھیلنے کا سائیکل ایک شخص سے دوسرے شخص میں منتقلی کے دس سے پندرہ دن ہیں۔اس لیے 30 فیصد ایسے لوگ شامل ہوجائیں گے جو وائرس کا شکار ہوں گے ان میں علامات نہیں ہوں گی، لیکن وہ سات سے دس لوگوں میں بیماری ٹرانسفر کرتے پھیریں گے۔فی بندہ ایک ہفتے میں 70لوگوں کو متاثر کردے گا۔ ہمیں اس کی بڑی قیمت ادا کرنا پڑے گی، 68 فیصد آبادی متاثر ہوگی، پاکستان دنیا کا تیسرا بڑا ملک بننے جا رہا ہے۔ جب 68 فیصد آبادی متاثر ہوجائے گی تو شرح اموات بھی 12فیصد ہوجائے گی۔

Facebook Twitter Google + Share on Whatsapp

پاکستان میں کورونا سے متاثرہ افراد کیلئے اچھی خبر آگئی

متعلقہ عنوان :

مزید اہم خبریں