Live Updates

ہائر ایجوکیشن ڈیپارٹمنٹ پنجاب کی کالجز میں آن لائن کلاسز شروع کرنے کے حوالے سے ابتدائی طورپر واٹس ایپ گروپس استعمال کرنے کی ہدایت

جمعرات مئی 12:57

فیصل آباد (اُردو پوائنٹ اخبارتازہ ترین - اے پی پی۔ 21 مئی2020ء) ہائر ایجوکیشن ڈیپارٹمنٹ پنجاب نے کورونا وائرس کی موجودہ صورتحال کے باعث کالجز میں آن لائن کلاسز شروع کرنے کے حوالے سے ابتدائی طورپر واٹس ایپ گروپس استعمال کرنے کی ہدایت کردی ہے اور کہاہے کہ یہ اقدام فوری طورپر نافذا لعمل ہوگا جبکہ بعد ازاں زوم سافٹ ویئر کے ذریعے براہ راست کلاسز کا اجراء بھی کیا جائے گا۔

(جاری ہے)

یہ بات ڈائریکٹر کالجز فیصل آباد ڈویژن امداد اللہ چوہدری نے کورونا لاک ڈاؤن کے دوران آن لائن کلاسز کے اجراء کے سلسلہ میں منعقدہ ایک اہم اجلاس کے دوران کہی جس میں ڈویژن بھر سے 21بی ایس لیول کالجز کے سربراہان،آئی ٹی ایکسپرٹ اور متعلقہ ضلع کے ڈپٹی ڈائریکٹرز کالجز نے شرکت کی۔ڈائریکٹر کالجز نے تمام شرکاء کو سیکرٹری ہائرایجوکیشن پنجاب کی ہدایت کے مطابق اپنے اپنے کالجز میں آن لائن کلاسز شروع کرنے کے حوالے سے ہدایات جاری کیں اورباہمی مشاورت سے یہ فیصلہ طے پایا کہ اس مقصد کے حصول کیلئے ابتدا میں واٹس ایپ گروپس کا استعمال کیا جائے گا جو فوری طور پر نافذالعمل کیا جارہا ہے جبکہ بعد ازاں زوم سافٹ ویئر کے ذریعے براہ راست کلاسز کا اجراء بھی کیا جائے گا۔
کرونا وائرس کی تباہ کاریاں سے متعلق تازہ ترین معلومات

متعلقہ عنوان :