پائلٹ نے بتایا کہ وہ ہر لحاظ سے لینڈنگ کے لیے تیار ہے، دوسری دفعہ لینڈنگ کیلئے آتے وقت جہاز کے ساتھ کچھ ہوا

کراچی (اُردو پوائنٹ اخبارتازہ ترین۔ 22 مئی2020ء) چیف ایگزیکٹو آفیسر پی آئی اے ایئر مارشل ارشد ملک کے مطابق پائلٹ نے بتایا کہ وہ ہر لحاظ سے لینڈنگ کے لیے تیار ہے، دوسری دفعہ لینڈنگ کیلئے آتے وقت جہاز کے ساتھ کچھ ہوا، جہاز ٹیک آف کرنے سے پہلے انجینئرز سے کلیئر کرایا جاتا ہے، جہاز ٹیکنیکل طور پر پوری طرح محفوظ تھا، انکوائری میں فیکٹس اینڈ فیگرز سامنے آئیں گے، شفاف انکوائری میں پی آئی اے اور سی اے اے کا کوئی کردار نہیں ہوگا۔

تفصیلات کے مطابق قومی ایئر لائن (پی آئی ای) کے چیف ایگزیکٹو آفیسر (سی ای او) ایئر مارشل ارشد ملک نے کہا ہے کہ شہید پائلٹ کے اہل خانہ کا حوصلہ دیکھ کر مجھے بھی حوصلہ ہوا ہے۔ حادثے کے بعد جمعہ کی شب کو میڈیا سے گفتگو کرتے ہوئے انہوں نے کہا کہ اللّٰہ طیارہ حادثے میں شہید ہونے والوں کے درجات بلند کرے، لواحقین کو صبر عطا فرمائے۔

(جاری ہے)

ارشد ملک نے کہا کہ حادثے میں ہمارے دو پائلٹ ہم سے جدا ہوگئے۔

انہوں نے کہا کہ جہاز ٹیک آف کرنے سے پہلے انجینئرز سے کلیئر کرایا جاتا ہے، جہاز ٹیکنیکل طور پر پوری طرح محفوظ تھا۔سی ای او پی آئی اے نے کہا کہ طیارہ حادثے کی انکوائری وزارت ہوا بازی مکمل کرے گی۔ارشد ملک نے کہا کہ اس سانحے میں متاثرین کے ساتھ کھڑے ہیں، انکوائری میں فیکٹس اینڈ فیگرز سامنے آئیں گے۔انہوں نے کہا کہ شفاف انکوائری میں پی آئی اے اور سی اے اے کا کوئی کردار نہیں ہوگا، انکوائری میں فیکٹس اینڈ فیگرز سامنے آئیں گے۔

سی ای او پی آئی اے نے کہا کہ جہاز میں 99 لوگ تھے جس میں کیبن کریو بھی شامل تھا۔ارشد ملک نے کہا کہ حادثے کا شکار جہاز آبادی میں ایک گلی میں لینڈ ہوا، کچھ لوگ میڈیا پر شر پھیلا رہے ہیں۔انہوں نے کہا کہ پائلٹ نے بتایا کہ وہ ہر لحاظ سے لینڈنگ کے لیے تیار ہے، دوسری دفعہ لینڈنگ کیلئے آتے وقت جہاز کے ساتھ کچھ ہوا۔