پولیس کی جرائم پیشہ عناصر کیخلاف کارروائیاں، تین ملزمان گرفتار

ہفتہ مئی 16:55

خانیوال (اُردو پوائنٹ اخبارتازہ ترین - اے پی پی۔ 23 مئی2020ء) ڈسٹرکٹ پولیس آفیسر محمد علی وسیم کے احکامات اور خصوصی ہدایات کی روشنی میں خانیو ال پولیس کا ضلع بھر میں سماج دشمن عناصر کے خلاف کاروائیوں کا سلسلہ جاری ہے۔ ا س ضمن میں ایس ایچ او تھانہ کچا کھوہ عدنا ن خورشید نے اپنی ٹیم سب انسپکٹرعبدالرحمن اور سب انسپکٹر حسن اقبال کے ہمراہ بروقت کاروائیاں کرتے ہوئے منشیات فروشی کا مکروہ دھندہ کرنے اور ہوائی فائرنگ میں ملوث ملزمان کو گرفتارکرکے مقدمات کا اندراج کرلیا۔

گرفتارملزمان سے 70لاکھ مالیت کی 21.20۔0کلوگرام ہیروئن اورکارٹیوٹا کرولا سمیت پسٹل30بور معہ گولیاں برآمد کرلی گئیں۔تفصیل کے مطابق ایس ایچ او تھانہ کچا کھوہ عدنان خورشید کواطلاع ملی کہ منشیات سے لوڈڈ ایک کار ٹیوٹا کرولا نمبری LEH4720تھانہ کچاکھوہ کی حدود سے گزررہی ہے جس پر ایس ایچ او نے اپنی ٹیم کے ہمراہ بروقت کاروائی کرتے ہوئے راجہ پیلس کے قریب ملزم عمران ولد رجب علی قوم تھراج سکنہ 20/8Rکو گرفتارکرکے 19کلوہیروئن برآمدکرکے کارٹیوٹا کرولا قبضہ میں لے لی۔

(جاری ہے)

اسی طرح دوسری کاروائی میں مخبر کی اطلاع پر کاروائی کرتے ہوئے نذیر عرف تیراولد گل محمدقوم اعوان سکنہ 38/10Rکو ڈبہ چوک کچاکھوہ سے گرفتارکرلیا اور ملزم سے 2.200کلوگرام ہیروئن برآمد کرکے ملزمان کے خلاف مقدمات زیر دفعہ9Cدرج کرلیے گئے ہیں ،جبکہ تیسری کاروائی میں عزیز عباس ولد طاہر عباس قوم ماچھی کو گرفتارکرکے پسٹل 30بور معہ گولیاں برآمد کرلی گئیں۔

ملزمان سے انٹروگیشن جاری ہے جس سے مزید برآمد گی متوقع ہے۔ڈی پی او محمد علی وسیم کا کہنا ہے انسانی زندگیوں سے کھلینے والے کسی رعایت کے مستحق نہیں‘خانیوال پولیس کی جانب سے بلاامتیاز منشیات فروشوں اورناجائز اسلحہ مافیا کے خلاف کاروائیوں کا سلسلہ جاری رہیگا۔ڈی پی او نے ایس ایچ او تھانہ کچا کھوہ او رٹیم کو شاباش دیتے ہوئے تعریفی سر ٹیفکیٹ او رنقدانعامات دئیے جانے کے احکامات جاری کیے ہیں۔