شہباز شریف کاسینئر صحافی سید انصار علی نقوی کے انتقال پر تعزیت کا اظہار

ہفتہ 23 مئی 2020 19:04

لاہور(اُردو پوائنٹ اخبارتازہ ترین - این این آئی۔ 23 مئی2020ء) پاکستان مسلم لیگ (ن)کے صدر وقائد حزب اختلاف محمد شہباز شریف نے سینئر صحافی سید انصار علی نقوی کے انتقال پر اظہار تعزیت کرتے ہوئے کہا ہے کہ انصار نقوی سمیت پی آئی اے کی بدقسمت پرواز میں جاں بحق ہونے والے تمام اہل وطن کی وفات پر اہل خانہ سے دلی ہمدردی ہے۔

(جاری ہے)

اپنے بیان میں انہوں نے کہا کہ انصار نقوی کا سب کے ساتھ محبتیں بانٹنے والا رشتہ تھا،وہ بہترین پیشہ وارانہ قابلیت رکھنے والے نامور صحافی تھے، میڈیا انڈسٹری اور ان کے ساتھی ان کی صلاحیتوں کے معترف ہیں،صحافت کے شعبے میں ان کی خدمات تا دیر یاد رکھی جائیں گی ،اللہ تعالی مرحوم کو اپنے جوار رحمت میں اعلی مقام عطا فرمائے اور پسماندگان کو صبر جمیل دے۔