محکمہ صحت کی شہریوں کو موسم گرماکے دوران ملیریا ، اسہا ل ، پیٹ کے امراض کے خطرہ کے پیش نظر حفاظتی تدا بیر پر عملد رآمد کی ہدات

جمعرات 28 مئی 2020 14:59

فیصل آباد (اُردو پوائنٹ اخبارتازہ ترین - اے پی پی۔ 28 مئی2020ء) محکمہ صحت فیصل ۱ٓباد نے شہریوں کو موسم گرماکے دوران ملیریا، اسہال ، پیٹ کے امراض کے پھیلائو کے خطرہ کے پیش نظر حفاظتی تدابیر پر عملدر آمد کی ہدائت کی ہے اور وبائی امراض سے بچائو کیلئے پانی کو ابال کر استعمال کرنے سمیت پانی شفاف کرنے کی خصوصی گولیاں استعمال کرنے، خوراک کو مکھیوں اور گرد و غبار سے ڈھانپ کر رکھنے اور تازہ پکا ہوا کھانا استعمال کرنے کی ہدائت کی ہے ۔

(جاری ہے)

محکمہ صحت فیصل آباد ڈویژن کے ترجمان نے کہا کہ کھانا کھانے، پکانے ، لیٹرین کے استعمال کے بعد ہاتھ صابن سے اچھی طرح دھوئے جائیں۔ انہوںنے رات کو مچھر بھگا نے کیلئے میٹ لگانے اور دستوں یا اسہال کے دوران او آر ایس ملا پانی استعمال کرنے کی بھی ہدائت کی ہے۔ انہوںنے کہا کہ نہری پانی میں نہانے سے بھی گریز کیا جائے ۔انہوں نے کہا کہ احتیاط میں ہی زندگی اور صحت ہے ۔