مجھ سمیت کئی اینکرز نے ملک ریاض سے متعلق بات کی ہے لیکن ہمیں سنسر کردیا گیا: حامد میر

اگر میرا چینل مجھ پر ناجائز پابندی لگائے گا تو میں خاموش نہیں رہوں گا، ملک ریاض بہت سارے چینلز کے مالکان کے بہت قریب ہیں: سینئر صحافی کا ٹویٹ

عثمان خادم کمبوہ جمعہ 29 مئی 2020 23:58

لاہور(اردوپوائنٹ تازہ ترین اخبار-29مئی2020ء) مجھ سمیت کئی اینکرز نے ملک ریاض سے متعلق بات کی ہے لیکن ہمیں سنسر کردیا گیا، سینئر صحافی حامد میر نے کہا ہے کہ بیویوں کے ساتھ دھوکہ بھی مرد کرتے ہیں اور ناظرین کے ساتھ دھوکہ بھی مرد کرتے ہیں اکثر ٹی وی چینلز کی ملکیت اور کنٹرول مردوں کے پاس ہے لہذا وہ ٹھیکےدار کی بیٹی کے معاملے پر خاموشی اختیار کر لیتے ہیں اور اگر کوئی پاگل مرد تھوڑا سچ بول بھی دے تو اسے سنسر کر دیتے ہیں۔

آپ نے درست کہا بیویوں کے ساتھ دھوکہ بھی مرد کرتے ہیں اور ناظرین کے ساتھ دھوکہ بھی مرد کرتے ہیں اکثر ٹی وی چینلز کی ملکیت اور کنٹرول مردوں کے پاس ہے لہذا وہ #ٹھیکےدار_کی_بیٹی کے معاملے پر خاموشی اختیار کر لیتے ہیں اور اگر کوئی پاگل مرد تھوڑا سچ بول بھی دے تو اسے سنسر کر دیتے ہیں https://t.co/tAsdyUej5n
— Hamid Mir حامد میر (@HamidMirPAK) May 28, 2020

انہوں نے مزید کہا کہ یہ کوئی راز نہیں ہے کہ میں نے ملک ریاض سے متعلق کئی بار بات کی ہے اس حقیقت کے باوجود کہ میری اس سے کوئی ذاتی دشمنی نہیں ہے، مجھ سمیت کئی اینکرز نے حالیہ واقعے پر بات کی ہے لیکن ہمیں سنسر کردیا گیا کیونکہ ملک ریاض بہت سارے چینلز کے مالکان کے بہت قریب ہیں۔

(جاری ہے)

Very intelligent it’s not a secret that I spoke about Malik Riaz many times despite the fact I have no personal enmity against him many anchors including me spoke about the recent incident but we were censored because Malik sahib is very close to owners of many channels https://t.co/3YXNsYALd6
— Hamid Mir حامد میر (@HamidMirPAK) May 28, 2020

حامد میر کا کہنا تھا کہ اگر میرا چینل مجھ پر ناجائز پابندی لگائے گا تو میں خاموش نہیں رہوں گا۔

اگر میرا چینل مجھ پر ناجائز پابندی لگائے گا تو میں خاموش نہیں رہوں گا https://t.co/5kf47Mu07h
— Hamid Mir حامد میر (@HamidMirPAK) May 28, 2020

اس پر لیحہ ہاشمی نے حامد میر کے ٹویٹ کے ردعمل میں کہا کہ جھوٹ بولنا چھوڑدیں۔ وزیراعظم عمران خان، پاک فوج اور میرے خلاف زہرخند ویڈیو تو آپ نے اپنے یوٹیوب چینل پر ہی چلا دی تھی ملیحہ ہاشمی نے حامد میر سے مزید کہا کہ ملک ریاض کے خلاف بھی اسی طرح یوٹیوب چینل پر بات کرنے کی جرات کرلیں، اگر آپکو جیو ملک ریاض کے خلاف بات نہیں کرنے دیتا ہے۔

STOP lying, @HamidMirPAK

جھوٹ کے پاؤں نہیں ہوتے، جناب۔ وزیراعظم عمران خان، پاک فوج اور میرے خلاف زہرخند ویڈیو تو آپ نے اپنے YouTube چینل پر ہی چلا دی تھی👎

ملک ریاض کے خلاف بھی اسی طرح YouTube چینل پر بات کرنے کی جرات کرلیں، اگر آپکو جیو #MalikRiaz کے خلاف بات نہیں کرنے دیتا 🤔 pic.twitter.com/fDff8gSLrM
— Maleeha Hashmey (@MaleehaHashmey) May 28, 2020

اس پر محمد شہزاد ایڈوکیٹ نے کہا کہ مولانا طارق جمیل نے صحیح فرمایا تھا کہ میڈیا پہ جھوٹ چلتا ہے۔ سچ کو چھپانا بھی جھوٹ پھیلانا ہی ہے. سردار امتیاز علی تاج نے حامد میر کو مشورہ دیا کہ پھر آزادی اظہار رائے کا چورن بھی تو نہ بیچا کریں جناب! جب آپ جیسے سنئیر صحافی کو اپنی مرضی کی بات چینل پر کرنے کی اجازت نہیں تو پھر لعنت بھیجیں اس چینل پر۔ بطور مسلمان ہم سب کا ایمان ہے اللہ بہترین رزق دینے والا ہے