مہمند:تحصیل حلیمزئی میں بجلی کی ناروا لوڈشیڈنگ کے خلاف احتجاج

شانی خیل، تاروخیل اور سلطان خیل کے مشتعل مظاہرین نے باجوڑ پشاور اور خاپخ روڈ کو بند کرکے احتجاج کیا

پیر 1 جون 2020 22:40

مہمند(اُردو پوائنٹ اخبارتازہ ترین - آن لائن۔ 01 جون2020ء) مہمند، تحصیل حلیمزئی میں بجلی کی ناروا لوڈشیڈنگ کے خلاف احتجاج، شانی خیل، تاروخیل اور سلطان خیل کے مشتعل مظاہرین نے باجوڑ پشاور اور خاپخ روڈ کو بند کرکے احتجاج کیا۔تفصیلات کے مطابق قبائیلی ضلع مہمند تحصیل حلیمزئی میں گرمی میں اضافے کے ساتھ ہی بجلی غائب رہنے کے خلاف پیر کے روزشانی خیل، تاروخیل اور سلطان خیل کے دیہاتی لوگ روڈ پر نکل آئے ۔

اور واپڈا مہمند اور ذمہ داران کے خلاف نعرہ بازی کی۔

(جاری ہے)

اور الزام لگایا کہ واپڈا مہمند کے لائن مین وزیرخان اور ان کا ٹیم رشوت لیکر منظورنظر لائنز پر بجلی زیادہ فراہم کرتے پیں۔ جبکہ ہماری خواتین سخت گرمی میں کنووں سے رسی کے ذریعے پینے کا پانی نکالنے پر مجبور ہیں۔ مظاہرین نے اس دوران باجوڑ پشاور مین روڈ اور خاپخ خویزئی بائزئی روڈ کو ٹریفک کے لئے بند رکھا۔ احتجاج ریکارڈ کرنے کے بعد مظاہرین پر امن طور پر منتشر ہوگئے اور دھمکی دی کہ اگر بجلی میں امتیازی سلوک اور ناروا لوڈ شیڈنگ کا سلسلہ بند نہیں کیا گیا تو دیہاتوں کے لوگ جگہ جگہ احتجاج مظاہروں کا سلسلہ شروع کرینگے۔