ٹنڈوباگو اوردیگرتھانوں کی پولیس کی کارروائیاں ،300لیٹرکچی شرآب اور گٹکا برآمد ،اشتہاری سمیت 7ملزمان گرفتار

پیر جون 16:20

ٹنڈو باگو(اُردو پوائنٹ اخبارتازہ ترین - این این آئی۔ 08 جون2020ء) ٹنڈوباگو اوردیگرتھانوں کی پولیس نے 2 کچی شراب کی بٹھیوں سمیت دیگر مقامات پر کاروائیاں کر کے 350 لیٹرز کچی شراب,غیر قانونی اسلحہ اور متعدد گٹکے برآمد کرلیے ہیں، ایک اشتہاری ملزم سمیت 7 ملزمان گرفتار۔ایس ایس پی بدین حسن سردار نیازی کی ہدایات پر ضلع بھر میں منشیات فروشوں اور اشتہاری و روپوش ملزمان کی گرفتاری کے لیے کاروائیوں کا سلسلہ جاری ہے۔

ایس ایچ او تھانہ تلہار انسپکٹر دھنی بخش مری بمع اسٹاف نے تلہار شہر کے قریب 2 کچی شراب کی بٹھیوں پر چھاپے مار کر نیاز محمد چانڈیو کی کچی شراب کی بٹھی سے 150لیٹرز کچی شراب اور عبدالجبار چانڈیو کی کچی شراب کی بٹھی سے 190 لیٹرز کچی شراب برآمد کر لی ہے۔ پولیس نے دوران کاروائیاں بٹھی مالکان کو گرفتار کر کہ مقدمات درج کر لیے ہیں ۔

(جاری ہے)

ایس ایچ او تھانہ ٹنڈو باگو سب انسپکٹر فیاض علی برڑو بمع اسٹاف نے دورانِ گشت کاروائی کر کے جرائم پیشہ ملزم نوید بوھڑ کو گرفتار کر کہ ایک پسٹل اور 2 کارتوس برآمد کر لیے۔

پولیس نے گرفتار ملزم کے خلاف تھانہ ٹنڈو باگو پہ آرمس ایکٹ کے تحت مقدمہ درج کر لیا ہے۔ایس ایچ او تھانہ ٹنڈو باگو سب انسپکٹر فیاض علی برڑو بمع اسٹاف نے دورانِ گشت گٹکہ فروش ملزم بنام رمیش کولھی کو 315 عدد گٹکہ سمیت گرفتار کر کے مقدمہ درج کر لیا ہے۔مزید کاروائی کے دوران ایس ایچ او تھانہ ٹنڈو باگو نے کاروائی کر کے 2 مقدمات میں مطلوب اشتہاری ملزم کو گرفتار کر لیا ہے۔

ملزم تھانہ پنگریو پہ 2 مقدمات میں پولیس کو مطلوب اوراشتہاری ملزم تھا ۔ایس ایچ او تھانہ ماتلی انسپکٹر نثار احمد برھمانی بمع اسٹاف نے دورانِ گشت کاروائی کر کے گٹکہ فروش ملزم بنام اصغر عرف بلا پکھالی راجپوت کو 215 گٹکہ سمیت گرفتار کر کہ مقدمہ درج کر لیا ہے۔ایس ایچ او تھانہ کڈھن سب انسپکٹر عبدالستار گنبھیر بمع اسٹاف نے دورانِ گشت کاروائی کر کے منشیات فروش ملزم بنام محمد اسحاق نوتیار کو گرفتار کر کہ 10 لیٹرز کچی شراب برآمد کر لی ہے۔ پولیس نے ملزم کو گرفتار کر کہ مقدمہ درج کر لیا ہے۔