گٹکا مافیا کے خلاف سخت ایکشن کو یقینی بنایا جائے،آئی جی سندھ

آئی جی سندھ کی زیر صدارت ویڈیو لنک اجلاس،حیدرآباد رینج میں امن وامان کی صورتحال کا جائزہ لیا گیا

اتوار 14 جون 2020 18:15

کراچی(اُردو پوائنٹ اخبارتازہ ترین - این این آئی۔ 14 جون2020ء) آئی جی سندھ مشتاق احمد مہر کی ذیر صدارت ویڈیو لنک اجلاس میں حیدرآباد رینج میں امن وامان کی موجودہ صورتحال کا تفصیلی جائزہ لیا گیا اور مذید ضروری ہدایات دی گئیں۔اجلاس میں ایڈیشنل آئی جی حیدرآباد،،ڈی آئی جی حیدرآباد اورضلعی ایس ایس پیزحیدرآباد رینج،ڈی آئی جی ہیڈ کوارٹرز سندھ،ڈی آئی جی اسپیشل برانچ،اے آئی جی آپریشنز سندھ اور ایس ایس پی انٹیلی جینس,اسپیشل برانچ نے ذریعہ ویڈیو لنک شرکت کی۔

آئی جی سندھ نے ہدایات دیں کہ ضلعی سطح پر منظم جرائم اور بالخصوص گٹکا مافیا اور اسکے کارندوں کے خلاف انتہائی ٹھوس مربوط اور سخت ایکشن کو باقاعدہ انٹیلی جینس کلیکشن کی بنیادپر کامیاب اورنتیجہ خیز بنایا جائے۔

(جاری ہے)

انہوں نے کہا کہ ایسے جرائم میں ملوث عناصر،گروہوں اور انکے سرپرستوں کو کیفر کردار تک پہنچانااورعوام کوپرامن وپرسکون ماحول کی فراہمی پولیس کے فرائض منصبی میں انتہائی اہمیت کے حامل ہیں۔

انہوں نے کہا کہ مفرور اور اشتہاری ملزمان کی یقینی گرفتاریوں سمیت مختلف نوعیت کیجرائم کے خلاف رینج اور متعلقہ اضلاع کے تحت جاری کاروائیوں میں مذید تیزی لائی جائے اور اس حوالے سے اسنیپ چیکنگ،پیٹرولنگ،پکٹنگ، ریکی، نگرانی، ناکہ بندی اور مشتبہ افراد کی چیکنگ کے عمل کو ٹھوس اور مربوط بنانیکے ساتھ ساتھ ایڈوانس انٹیلی جینس کلیکشن اور حاصل شدہ معلومات کو باقاعدہ فالو کرنیکے اقدامات کو بھی غیرمعمولی بنایا جائے۔

انہوں نے ڈی این اے ٹیسٹس کی پروگریس کی بابت تفصیلات طلب کرتے ہوئے مالی معاونت کے جملہ کیسز کی تفصیلات بھی کیس ٹو کیس طلب کرلیں۔آئی جی سندھ نے کہا کہ عیدالاضحی اور محرم الحرام سال 2020 کے کنٹی جینسی پلانز کی ترتیب اور عمل درامدی اقدامات میں متعلقہ تمام اسٹیک ہولڈرز،رینجرز سندھ اور قانون نافذ کرنیوالے دیگر تمام اداروں سے مربوط روابط اور انکی تجاویز اور مشاورت پر خصوصی فوکس رکھا جائے۔

آئی جی سندھ نے کہاکہ سندھ میں کورنا وائرس (کووڈ-19) کی وبا کی روک تھام کے سلسلے میں حکومت سندھ کی جانب سے وضع کردہ احتیاطی تدابیر/ایس او پیز پر عمل درآمد کو ہر سطح پر مثر اور یقینی بنایا جائے۔انہوں نے کہا کہ دوران فرائض کورونا کے مرض میں مبتلا ہونیوالے افسران اور جوانوں کو علاج معالجے کی ہر ممکن سہولیات کی فراہمی اور انکی صحتیابی کو یقینی بنانا سندھ پولیس کی تمام تر ترجیحات میں شامل ہے۔

آئی جی سندھ نے کہاکہ پولیس ملازمین اور انکے اہل خانہ کی فلاح وبہبود جیسے اقدامات بھی بلا کسی تعطل جاری ہیں اور جاری رہینگے۔انہں نے ڈی آئی جی حیدرآباد کو ہدایات دیں کہ کسی بھی ممکنہ ہنگامی صورتحال سے نمٹنے اور فوری پولیس ریسپانس کے لیئے ایلیٹ فورس کے افسران اور جوانوں پر مشتمل خصوصی دستہ اندروں پندرہ یوم تشکیل دیا جائے۔