فوڈ اتھارٹی ایبٹ آباد نے قلندر آباد بازار کے معائنہ کے دوران ناقص صفائی پر قصاب کو جرمانہ کیا

جمعرات جون 21:31

ایبٹ آباد۔ (اُردو پوائنٹ اخبارتازہ ترین - اے پی پی۔ 25 جون2020ء) فوڈ اتھارٹی ایبٹ آباد نے قلندر آباد بازار کے معائنہ کے دوران ناقص صفائی پر قصاب کو جرمانہ کیا، مانسہرہ سے سپلائی کیا جانے والا گٹکا بھی قبضہ میں لے لیا گیا۔

(جاری ہے)

فوڈ اتھارٹی کی ٹیم نے ڈپٹی ڈائریکٹر کی سربراہی میں قلندرآباد بازار کا دورہ کیا اور خوراک اور اشیائے خوردونوش کی 25 دکانوں کو چیک کیا۔ دوران چیکنگ صفائی کے ناقص انتظامات اور ہدایات پر عمل نہ کرنے پر گوشت کی دکان کو 25 ہزار روپے کا جرمانہ عائد کیا۔ دوران چیکنگ مانسہرہ سے سپلائی کیا جانے والا گٹکا بھی قبضہ میں لیا گیا۔ سپلائی کرنے والا موٹر سائیکل بھی قبضہ میں لیکر فوڈ اتھارٹی ایکٹ کے مطابق کارروائی عمل میں لائی گئی۔

متعلقہ عنوان :