'نجی یونیورسٹی' نے ادارے کے بارے میں میمز شئیر کرنے والے طلباء کو یونیورسٹی سے نکالنے کی دھمکیاں دینا شروع کردیں

یونیورسٹی انتظامیہ کی جانب سے فارغ التحصیل طلباء کو بھی انکی ڈگریاں کینسل کرنے کی دھمکی، یونیورسٹی کا نام ٹویٹر ٹرینڈ بن گیا

عثمان خادم کمبوہ بدھ 1 جولائی 2020 00:40

لاہور (اردوپوائنٹ اخبار تازہ ترین۔30جون2020ء) : 'نجی یونیورسٹی' نے ادارے کے بارے میں میمز شئیر کرنے والے طلباء کو یونیورسٹی سے نکالنے کی دھمکیاں دینا شروع کردیں، یونیورسٹی انتظامیہ کی جانب سے فارغ التحصیل طلباء کو بھی انکی ڈگریاں کینسل کرنے کی دھمکی دی گئی ہے۔ صارفین کی یونیورسٹی کے اقدام پر شدید تنقید کے بعد ادارے کا نام ٹویٹر ٹرینڈ بن گیا جس کے بعد معاملہ عالمی میڈیا تک پہنچ چکا ہے۔

گلف نیوز کے مطابق لاہور کی ایک نجی یونیورسٹی نے اپنے طلباء کو ایک فیس بک گروپ میں یونیورسٹی کے حوالے سے میمز شئیر کرنے پر دھمکی دی ہے کہ طلباء کو یونیورسٹی سے نکال دیا جائے گا۔ ادارے کی جانب سے میمز شئیر کرنے والے طلباء سے تحریری معافی نامہ بھی مانگا گیا اور انہیں یہ بھی ہدایت کی گئی ہے کہ وہ اپنی فیس بک ٹائم لائن پر بھی معافی نامہ لکھ کر پوسٹ کریں۔

(جاری ہے)

یونیورسٹی کی انتظامیہ کی جانب سے یہ نوٹس بھی جاری کیا گیا ہے کہ میمز شئیر کرنے والے طلباء کے خلاف پاکستان کے سائبر کرائم ایکٹ کے تحت ہتک عزت کا مقدمہ بھی دائر کروایا جاسکتا ہے۔ یونیورسٹی نے اہنے نوٹس میں ان طلباء کے نام بھی شائع کیے ہیں جنہوں نے ادارے کے بارے میں میمز شئیر کیں اور انکی سزاؤں کے بارے میں بتایا گیا ہے۔

FAST Lahore has taken a disciplinary action against their students for making memes and even expelled some. pic.twitter.com/Ep56piLdgN
— Rao (@CasualRao) June 28, 2020

They didn't even spare Graduated students. pic.twitter.com/LcUARiuInu
— Rao (@CasualRao) June 28, 2020

کچھ طلباء کو یونیورسٹی سے نکال دیا گیا ہے، کچھ کے گریڈز کم کردیے گئے ہیں اور کچھ طلباء کو سماجی سرگرمیوں میں مخصوص گھنٹوں کے لیے کام کرنے کی سزا دی گئی ہے۔

جیسے ہی یہ معملہ سامنے آیا تو سوشل میڈیا صارفین نے یونیورسٹی انتظامیہ پر شدید تنقید شروع کردی اور سوشل میڈیا پر ہیش ٹیگ چلانا شروع کردیا۔

This so unfair. Can't imagine the pain these students are dealing with #ShameOnFAST pic.twitter.com/bnYuKPXmQ2
— Muhammad Zain (@zain_manutd) June 28, 2020