فیصل ۱ٓباد میں کورونا قابو میں ۱ٓنے لگا،جنرل ہسپتال غلام محمد ۱ٓباد، الائیڈ ہسپتال، ڈی ایچ کیو ہسپتال اور دیگر ہسپتالوں میں کورونا کے مریضوں کی تعداد نہ ہونے کے برابر رہ گئی،

فیصل آباد (اُردو پوائنٹ اخبارتازہ ترین - اے پی پی۔ 07 جولائی2020ء) :فیصل ۱ٓباد میں کورونا قابو میں ۱ٓنے لگاہے اورجنرل ہسپتال غلام محمد ۱ٓباد، الائیڈ ہسپتال، ڈی ایچ کیو ہسپتال ودیگر ہسپتالوں میں کورونا کے مریضوں کی تعداد نہ ہونے کے برابر رہ گئی ہے جبکہ کورونا سمارٹ لاک ڈائون اور انتظامیہ کے بہترین حفاظتی انتظامات سمیت شہریوںکے تعاون کے باعث کورونا وائرس کے مریضوں کی تعداد میں واضح کمی واقع ہونے لگی ہے جس کے باعث چند روز پہلے تک مریضوں سے بھرے ہوئے ہسپتالوں میں سینکڑوں بیڈ خالی ہوگئے ہیں اور شرح اموات بھی نہ ہونے کے برابر رہ گئی ہے۔

ڈسٹرکٹ ہیلتھ اتھارٹی فیصل ۱ٓباد کے چیف ایگزیکٹو ۱ٓفیسر ڈاکٹر مشتاق احمد سپرانے منگل کے روز اے پی پی کو بتایا کہ گزشتہ ایک ہفتہ کے دوران فیصل ۱ٓباد میں کورونا وائرس کی عالمی وباء کے حوالے سے بہت بہتر صورتحال دیکھنے میں ۱ٓرہی ہے اور فیصل ۱ٓباد کے ہسپتالوںمیں کورونا کے مریضوں کی تعداد مسلسل کم ہوتے ہوئے نصف کے قریب رہ گئی ہے۔

(جاری ہے)

انہوں نے بتایا کہ فیصل ۱ٓباد میں کوروناوائرس کے مریضوں کیلئے مخصوص گورنمنٹ جنرل ہسپتال غلام محمد ۱ٓباد، ڈسٹرکٹ ہیڈکوارٹر ہسپتال اور الائیڈ ہسپتال میں کورونا کے مریضوں میں واضح کمی دیکھنے میں ۱ٓئی ہے اور مذکورہ تینوں ہسپتالوں کے نصف سے زائد بیڈ خالی اور کورونا کیلئے مخصوص کئی وارڈز بھی بند ہوچکے ہیں۔

انہوں نے بتایا کہ الائیڈ ہسپتال فیصل ۱ٓباد میں ابھی بھی کورونا کے 150 سے زائدمزید مریضوں کے داخلے کی گنجائش موجود ہے اسی طرح کورونا سنٹر جنرل ہسپتال غلام محمد ۱ٓباد میں تقریباً 70 بیڈز خالی پڑے ہیں جبکہ سول ہسپتال میں بھی 120مزید مریضوں کے داخلے کے انتظامات موجود ہیں نیز اس وقت سول ہسپتال میںصرف 25 مریض موجود ہیں۔ ڈاکٹر مشتاق احمد سپرا کا کہنا ہے کہ مریضوںکی تعداد میں واضح کمی کی وجہ سے ہسپتالوں پر کورونا کے مریضوں کا دبائو اب بہت کم ہورہا ہے۔

انہوں نے بتایا کہ اگر فیصل ۱ٓباد میں صرف کورونا وائرس کے مریضوںکیلئے مخصوص کئے گئے گورنمنٹ جنرل ہسپتال غلام ۱ٓباد کو دیکھا جو ئے تو اس میںمنگل کے روز تک کورونا کے کل صرف 33 مریض زیر علاج ہیں جن میں سے 17 مثبت اور 16 مریض مشتبہ ہیںجبکہ زیر علاج مریضوں میں سے 3 مریض تشویشناک حالت کے باعث وینٹی لیٹر پر ہیںجن کی زندگی بچانے کیلئے سر توڑ کوشش کی جارہی ہے۔