Live Updates

آنے والے بجٹ میں عوام کیلئے خوشخبری ہو گی، رانا ثناء اللہ

اتوار 18 مئی 2025 20:30

کراچی(اُردو پوائنٹ اخبارتازہ ترین - این این آئی۔ 18 مئی2025ء)وزیر اعظم مشیر برائے سیاسی امور رانا ثناء اللہ نے کہا ہے کہ ہماری معاشی ٹیم نے وزیر اعظم کی سربراہی میں محنت کی ہے، جو بجٹ آنے والا ہے اس میں عام آدمی کیلئے خوش خبری ہو گی۔

(جاری ہے)

میڈیاسے گفتگوکرتے ہوئے رانا ثنا ء اللہ نے کہا کہ اب کوشش ہے کہ عوام کو بجٹ میں خوش خبری دیں، حکومت کی کوششوں سے ملکی معیشت بہتر ہوئی ہے۔مشیروزیراعظم نے کہاکہ آنے والے بجٹ میں عام آدمی کو ریلیف ملے گا، پاکستان معاشی بحران سے نکل آیا ہے۔رانا ثناء اللہ نے کہاکہ مشکل کے دور میں ساتھ دینے پر عوام کو خراج تحسین پیش کرتے ہیں، آئندہ بجٹ میں ملک کیلئے بہتر ہو گا، بجٹ سے متعلق سب سے مشاورت کر رہے ہیں۔