Live Updates

معرکہ حق، پاکستان نے بھارتی جارحیت اور جھوٹ بے نقاب کر کے ڈوزیئر جاری کر دیا

ْ ڈوزیئر میں پہلگام فالس فلیگ اور بھارتی جارحیت کے ناقابل تردید شواہد بھی موجود ہیں،ذرائع پاکستان نے مکمل شواہد کیساتھ ڈوزیئر جاری کر کے سفارتی محاذ پر کامیابی حاصل کر لی بھارتی جارحیت کو شواہد سے بے نقاب کیا ،سفارتی ماہرین

اتوار 18 مئی 2025 20:30

معرکہ حق، پاکستان نے بھارتی جارحیت اور جھوٹ بے نقاب کر کے ڈوزیئر جاری ..

اسلام آباد(اُردو پوائنٹ اخبارتازہ ترین - این این آئی۔ 18 مئی2025ء)معرکہ حق پاکستان نے تاریخی فتح پر بھارتی جارحیت اور جھوٹ بے نقاب کر کے ڈوزیئر جاری کر دیا، ڈوزیئر میں آپریشن بنیان مرصوص میں تاریخی کامیابی کے ناقابل تردید شواہد موجود ہیں۔ذرائع کے مطابق ڈوزیئر میں پہلگام فالس فلیگ اور بھارتی جارحیت کے ناقابل تردید شواہد بھی موجود ہیں، آپریشن بنیان مرصوص کے حقائق، سیٹلائٹ تصاویر ڈوزیئر کا حصہ ہیں، پہلگام فالس فلیگ پر مستند بین الاقوامی میڈیا رپورٹس بھی ڈوزیئر کا حصہ ہیں۔

ڈوزیئر میں کہا گیا ہے کہ پاکستان امن کا علم بردار ہے اور اپنی سالمیت کا ہر قیمت پر دفاع کرے گا۔ڈوزیئر میں پہلگام فالس فلیگ کے بعد بھارتی میڈیا اور را سے منسلک سوشل میڈیا اکاؤنٹس کی تفصیلات بھی شامل ہیں۔

(جاری ہے)

ڈوزیئر میں پاکستان مخالف منظم مہم اور فیک نیوز کے ناقابل تردید شواہد پیش کیے گئے ہیں۔ڈوزیئر میں کہا گیاکہ بھارتی جنگجو میڈیا نے جھوٹی خبروں اور گمراہ کن پروپیگنڈا کر کے جنگ کا ماحول بنایا، بین الاقوامی میڈیا، بھارتی سیاستدانوں، عوام نے پہلگام فالس فلیگ اور بھارتی میڈیا کے کردار پر سوالات اٹھائے۔

ذرائع کے مطابق ڈوزیئر میں پاکستان کی جانب سے بھارت کو پہلگام واقعے کی شفاف تحقیقات کے لیے مخلصانہ کاوشوں کا بھی ذکر کیا۔ڈوزیئر میں کہا گیا کہ بھارتی جارحیت اور بزدلانہ حملے میں معصوم پاکستانی بچے، خواتین اور شہری شہید ہوئے، بھارتی جارحیت کے تمام شواہد ڈوزیئر میں پیش کیے گئے ہیں۔ڈوزیئر میں کہا گیا کہ پاکستان نے اپنے دفاع اور بھارتی جارحیت کے جواب میں آپریشن بنیان مرصوص شروع کیا، آپریشن بنیان مرصوص نے بھارت کو دھول چٹا دی اور بھارتی عزائم کو خاک میں ملا دیا، پاکستان نے بھارتی جارحیت کے جواب میں صرف بھارتی ملڑی ٹارگٹس کو نشانہ بنایا۔

ڈوزیئر میں کہا گیا کہ صرف ان بھارتی ٹارگٹس کو نشانہ بنایا گیا جہاں سے نہتے اور معصوم پاکستانیوں پر حملے کیے گئے۔ڈوزیئر میں بھارتی نقصانات کی تفصیل ناقابلِ تردید شواہد کے ساتھ پیش کی گئی ہیں۔سفارتی ماہرین نے کہا کہ پاکستان نے مکمل شواہد کے ساتھ ڈوزیئر جاری کر کے سفارتی محاذ پر بھی کامیابی حاصل کر لی ہے، پاکستان نے بھارتی جارحیت کو شواہد سے بے نقاب کیا ہے۔