ڈاکٹرز عمل گروپ کا اجلاس،اجلاس میں پی ایم اے کی کارکردگی پر تشویش کا اظہار

عمر جمشید ہفتہ 25 جولائی 2020 19:28

جہلم(اُردو پوائنٹ اخبارتازہ ترین۔ 25 جولائی2020ء،نمائندہ،خصوصی،طارق مجید کھوکھر) ڈاکٹرز عمل گروپ کا اجلاس،جس میں پی ایم اے کی کارکردگی پر تشویش کا اظہار کیاگیاتفصیلات کے مطابق ڈاکٹرز عمل گروپ کا ایک اجلاس زیر صدارت ڈاکٹر عدنان نجب و ڈاکٹر حفیظ الرحمان منعقد ہوا جس میں پی ایم اے کی کارکردگی کو سامنے لا کر اجلاس میں موجود ڈاکٹرز نے اعتراضات کیے کہ پی ایم اے نے واٹس ایپ کے تین گروپ بنا رکھے ہیں جس سے کسی ڈاکٹر کو پی ایم اے کی کارکردگی کے بارے میں علم نہیں ہوتا

جبکہ ان کو واٹس ایپ کا ایک گروپ بنانا چاہئے تا کہ پی ایم اے کے جتنے ممبران ڈاکٹرز ہیں ان کو پی ایم اے کی کارکردگی کا علم ہوتا رہے اسی طرح پی ایم اے نے ڈاکٹرز عمل کے ڈاکٹرز کو ایک سوچی سمجھی سکیم کے تحت دوسرے گروپوں میں ڈال کر ہمارے گروپ کو کمزور کرنے کی ناکام کوشش کی گئی ہے جبکہ دوسری طرف پی ایم اے نے غیر منتخب لوگ جن کے پاس کوئی پی ایم اے کا عہدہ نہیں ہے ان کو تمام اجلاسوں میں بٹھا کر پی ایم اے کے آئین کی خلاف ورزی کررہے ہیں

جبکہ پی ایم اے کی سست روی کا یہ عالم ہے کہ پی ایم اے کے ڈاکٹرز ممبران کی لسٹ ہر تین ماہ کے بعد پی ایم اے ہاؤس میں آویزاں کرنے ہوتی ہے لیکن انہوں نے ابھی تک کوئی لسٹ آویزاں نہیں کی اجلاس میں ایک شکایت یہ کی گئی ہے کہ ڈاکٹرز کا اعتماد بڑھانے کے لیے پی ایم اے نے کوئی صحیح اقدام نہیں اٹھایا ہے جبکہ آج تک پی ایم اے کی کارکردگی نہ ہونے کے برابر ہے

اس موقع پر صدر ڈاکٹرز عمل گروپ ڈاکٹر عدنان نجب نے کہاکہ پی ایم اے کو اگر عزت ملی ہے تو وہ پی ایم اے کو منظور شدہ آئین کے مطابق چلا کر ڈاکٹروں میں اپنا وقار بحال کرے کیونکہ ڈاکٹر حفیظ الرحمان کی سرپرستی میں ڈاکٹرز عمل گروپ آج بھی کامیاب ہے اور آئندہ بھی انشاء اللہ کامیابی حاصل کریگا۔

Facebook Twitter Google + Share on Whatsapp

ڈاکٹرز عمل گروپ کا اجلاس،اجلاس میں پی ایم اے کی کارکردگی پر تشویش کا اظہار

متعلقہ عنوان :

مزید اہم خبریں