کورونا کے باوجود پاکستان کی سالانہ آن لائن آمدن کی شرح میں 22 فیصد اضافہ،

اضافے کی بڑی وجہ کورونا کے دوران جاری ای روزگار فری لانسنگ پروگرام قرار‘ رپورٹ جاری

منگل 15 ستمبر 2020 23:07

لاہور۔ (اُردو پوائنٹ اخبارتازہ ترین - اے پی پی۔ 15 ستمبر2020ء) آن لائن رقوم کی منتقلی کی عالمی کمپنی Payoneer کی حالیہ رپورٹ کے مطابق کورونا کے باوجود پاکستان کی سالانہ آن لائن آمدن کی شرح میں ریکارڈ 22 فیصد اضافہ ہوا ہے جبکہ عالمی کمپنی نے آمدنی میں اضافے کی بڑی وجہ کورونا کے دوران جاری ای روزگار آن لائن فری لانسنگ پروگرام کو قرار دیا ہے۔

لاک ڈاؤن کے 3 ماہ میں ای روزگار کے طلبا نے دوران تربیت اڑھائی کروڑ روپے کما لئے۔

(جاری ہے)

ای روزگار محکمہ یوتھ افئیرز پنجاب اور پی آئی ٹی بی کا مشترکہ پروگرام ہے۔چیئرمین پی آئی ٹی بی اظفر منظور کا کہنا تھا کہ ای روزگار پروگرام بیروزگاری کم کرنے میں اہم کردار ادا کر رہا ہے۔ رپورٹ کیمطابق پچھلے سال کی نسبت پاکستان کی مجموعی آن لائن آمدن 47 سے بڑھ کر69 فیصد ہو گئی۔ای روزگار کے نئے سیشن میں داخلے بھی جاری ہیں جن میں 35برس تک کے ایم اے پاس بیروزگار نوجوان فزیکل کے علاوہ آن لائن کلاسز کیلئے بھی اپلائی کر سکتے ہیں۔ مزید معلومات کیلئے ای روزگار ویب سائٹ یا 080009897 پر رابطہ کیا جا سکتا ہے۔