پنڈادنخان کی 22 سالہ لڑکی کو 25 روز مسلسل زیادتی کا نشانہ بنا نے کے بعد سڑک پر چھوڑ د یا گیا، ملزم بیرون ملک فرار

چونترہ کے رہائشی فضل صابر نامی شخص نے رشتے کرانیوالی خاتون سے مل کر صومیہ اقبال سے شادی کا ڈھونگ رچایا ، 25 دن بعد بغیر بتائے سڑک پر چھوڑ کر غائب ہو گیا

ہفتہ ستمبر 21:04

پنڈادنخان کی 22 سالہ لڑکی کو 25 روز مسلسل زیادتی کا نشانہ بنا نے کے بعد ..
اسلام آباد(اُردو پوائنٹ اخبارتازہ ترین - آن لائن۔ 19 ستمبر2020ء) پنڈادنخان کی 22 سالہ حوا کی بیٹی کو 25 روز مسلسل زیادتی کا نشانہ بنائے جانے کے بعد سڑک پر چھوڑ د یا گیا ،ملزم بیرون ملک فرار ہوگیا۔ چونترہ کے رہائشی فضل صابر نامی شخص نے غزالہ نامی رشتے کرانیوالی خاتون سے مل کر پنڈادانخان کی صومیہ اقبال سے شادی کا ڈھونگ رچایا۔ فضل صابر اور غزالہ کے گھر والوں کی موجودگی میں اگست میں نکاح بھی پڑھایا گیا۔

فضل صابر شادی کے بعد صومیہ اقبال جو کہ پہلے سے 4 سالہ بچی کی ماں اور مطلقہ ہے ،کو اپنے ڈیرہ پر لے گیا اور 25 دن تک لگاتار نوچنے کے بعد بغیر بتائے سڑک پر چھوڑ کر غائب ہو گیا۔ صومیہ اقبال گھر سے بے گھر ہونے پر فضل صابر کے رشتہ داروں اور رشتہ کرانے والی غزالہ نامی خاتون کے پاس پہنچی تو حقیقت واضح ہوئی کہ نکاح کے سب کردار فرضی تھے۔

(جاری ہے)

نہ تو اس کا نکاح نامہ کہیں رجسٹرڈ کرایا گیا ہے اور نہ ہی نکاح کرانے والا مولوی رجسٹرد نکاح خواہاں ہے۔

صومیہ اقبال کی طرف سے فضل صابر کے دوستوں کے گھر پہنچنے پر فضل صابر نے اپنے دوستوں کے ذریعے صومیہ اقبال کو پیغام پہنچایا کہ اس کو طلاق دے دی گئی ہے۔ زمانہ کی ستائی اپنے ساتھ ہونیوالی ظلم کی داستان لے کے تھانہ نصیر آباد پہنچ گئی۔ پولیس کی طرف سے فراڈ اور دھوکہ دہی کے مذکورہ کرداروں کے گھروں پر چھاپے مارے گئے تو پتہ چلا فضل صابر 2 ماہ قبل دوبئی سے چھٹی گزارنے پاکستان آیا تھا اس دوران اس نے صومیہ اقبال سے شادی والا ڈرامہ رچایا اور چھٹی پوری ہونے پر حوا کی بیٹی کو سڑک پر چھوڑ کر فرار ہو گیا۔

آن لائن کی طرف سے رابطہ کرنے پر تھانہ نصیر آباد کے سب انسپکٹر ظفر اللہ نے بتایا کہ پولیس نے صومیہ اقبال کی درخواست پر تحقیق کی تو غزالہ اور فضل صابر سمیت دیگر تمام افراد فراڈئیے پائے گئے ہیں۔ فضل صابر کے دو دوستوں کو گرفتار کر لیا ہے۔ غزالہ سمیت فضل صابر کے اہلخانہ کو شامل تفتیش کر کے مظلومہ صومیہ اقبال کی داد رسی کی جائے گی۔ دوسری طرف فضل صابر سے اس کے دوبئی کے نمبر 0971-547745999 پر مسلسل رابطہ کرنے کے باوجود فضل صابر کی طرف سے کوئی جواب نہیں دیا جا رہا۔ وہ یا ان کے اہلخانہ اس باابت اپنا موقف دینا چاہیں تو میڈیا بخوشی شائع کرے گا۔ # s/ #۔