امن عمل کو سبوتاژ کرنے کی ہر کوشش کو ناکام بنائیں گے،ثناء اللہ عباسی
امن وامان کی بحالی پولیس کی اولین ترجیح ہے۔پولیس عوام کی جان ومال کے تحفظ کیلئے ہر ممکن حد تک وسائل اور صلاحیتیں بروئے کار لائیں گی،آئی جی کے پی کے
جمعرات 24 ستمبر 2020 22:04
(جاری ہے)
اس موقع پر ریجنل پولیس آفیسر کوہاٹ طیب حفیظ چیمہ،ڈسٹرکٹ پولیس آفیسر کوہاٹ جاوید اقبال،ایس پی آپریشنز کوہاٹ طاہراقبال،ایس پی انوسٹی گیشن کوہاٹ فضل احمد جان،ڈی ایس پی سٹی بشیر داد،ڈی ایس پی صدر صنوبرشاہ اور سی ٹی ڈی و سپیشل برانچ کے مقامی حکام کے علاوہ بڑی تعداد میں دیگر متعلقہ پولیس افسران بھی موجود تھے۔
کوہاٹ کے دورے کے موقع پر انسپکٹر جنرل آف پولیس خیبر پختونخوا ڈاکٹر ثناء اللہ عباسی نے پانچ سال سے کم عمر کے بچوں کو پولیو کے قطرے پلا کر جاری انسداد پولیو مہم میں شرکت کی۔انہوں نے پولیس افسران کو انسداد پولیو مہم کامیاب بنانے اور اس موذی مرض کے متعلق لوگوں میں شعور بیدار کرنے کے حوالے سے کردار ادا کرنے کی ہدایات جاری کردیں۔آئی جی پی نے انسداد پولیو مہم کے حوالے سے اٹھائے گئے سیکیورٹی اقدامات پر ضلعی پولیس کی کاوشوں کو سراہتے ہوئے کہا کہ آنیوالی نسلوں کو پولیو سے پاک پاکستان تحفے میں دیا جائے گا۔بحیثیت شہری ہماری ذمہ داری بنتی ہے کہ اپنے پانچ سال سے کم عمر کے بچوں کو نہ صرف پولیو کے قطرے پلوائیں بلکہ پولیو سے متعلق شعور پیدا کریں۔انہوں نے کہا کہ پولیو خطرناک مرض ہے جو کسی بچے کو لاحق ہوتی ہے تو وہ دائمی اپاہج پن کاشکار ہوسکتا ہے لہٰذا ہمیں ملکر کورونا کی طرح پولیو کوبھی شکست دینی ہوگی۔امن وامان سے متعلق منعقدہ پولیس کے اعلیٰ سطحی اجلاس میں شرکت کے موقع پر ڈی پی او کوہاٹ جاوید اقبال نے آئی جی پی کو تفصیلی بریفنگ دی اور اہل تشیع کے دو افراد کے قتل کے بعد شہر میں پیدا ہونیوالی صورتحال،امن وامان کی موجودہ حالت وسیکیورٹی اموراور عوام کیساتھ باہمی معاملات میں پولیس کی پیشہ ورانہ کردارسے متعلق انہیں آگاہ کیا۔آئی جی پی نے کوہاٹ ریجن کے تمام اضلاع میں دہشتگردی کے واقعات کا انفرادی طور پر جائزہ لیااور پولیس حکام کو ہدایت کی کہ شرپسند عناصر کی نقل وحرکت پر کڑی نظر رکھی جائے اور امن عمل کو تہہ و بالا کرنیوالے عناصر کی بیخ کنی کیلئے ٹھوس اقدامات کئے جائیں۔انسپکٹر جنرل آف پولیس خیبر پختونخوا ڈاکٹر ثناء اللہ عباسی کا کہنا تھا کہ دشمن فرقہ واریت کے ذریعے ملک میں انتشار پھیلانے کی نئی چال چل رہا ہے تاہم ہم سب نے ملکرصرف باہمی اتحاد، محبت،اخوت اور بھائی چارے کو فروغ دینا ہے اورملک دشمنوں کی تمام سازشوں کو ناکام بنانا ہے۔ انہوں نے کہا کہ امن وامان کی بحالی پولیس کی اولین ترجیح ہے۔عوام افواہوں پر کان نہ دھریں بلکہ حالات کے پیش نظر اپنے جذبات کو قابو میں رکھتے ہوئے دوسروں کے حقوق کا خیال رکھیں اور اپنی صفوں میں شرپسندوں کو گھسنے کا کوئی موقع ہاتھ نہ آنے دیا جائے۔آئی جی پی نے کہا کہ صوبے میں پائیدارامن کا قیام عوام اور سیکیورٹی فورسز کی لازوال قربانیوں کی مرہون منت ہے۔انہوں نے کہا کہ قربانیوں کے نتیجے میں حاصل ہونیوالے امن عمل کو کسی صورت سبوتاژ نہیں ہونے دیاجائے گا۔آئی جی پی ڈاکٹر ثناء اللہ عباسی نے پولیس افسران کو ہدایت کی عوام کے تعاون سے شرپسندوں کی کڑی نگرانی یقینی بنائیں اور اپنی تمام تر توجہ تحفظ عامہ اور سیکیورٹی معاملات پر مرکوز رکھیں تاکہ امن کی فضاء قائم اور پولیس پر عوام کا اعتماد بحال رہے۔مزید قومی خبریں
-
لاہور پیرس ریلی ملکی ثقافت کو فروغ دینے اورپاکستان کے مثبت تشخص کو اجاگر کرنے کا بہترین موقع ہے ، رانا مشہود احمد خان
-
لاہور میں 50 مقامات پر مفت انٹرنیٹ سروس کا آغاز
-
ملک کو نوجوان نسل سے بڑی توقعات وابستہ ہیں،طالبات وخواتین مستقل مزاجی سے کام کریں گی تو قدم قدم پر کامیابی ان کا مقدر ہو گی،گورنر پنجاب
-
الیکشن کمیشن، ضمنی انتخاب میں قومی اسمبلی کے اراکین کی کامیابی کا نوٹیفکیشن جاری
-
لاہور پیرس ریلی ملکی ثقافت کو فروغ دینے اورپاکستان کے مثبت تشخص کو اجاگر کرنے کا بہترین موقع ہے ، رانا مشہود احمد خان
-
وفاقی وزیرعطا تارڑ نے اعجاز احمد حفیظ کو اپنا کوارڈینیٹر مقرر کردیا
-
9 مئی کیس، بانی پی ٹی آئی کی عبوری ضمانت کی درخواست پر وکلاء کے دلائل طلب
-
ایک ضلع کا ڈپٹی کمشنر اگر کچھ کرنا چاہے تو انقلاب آ جائے‘لاہور ہائیکورٹ
-
ملک میں امن وا مان کی صورتحال زیر بحث لانے کیلئے وزیر داخلہ کو وہ اپنے چیمبر میں مدعو کر سکتے ہیں ،سپیکر قومی اسمبلی
-
پیپلز پارٹی کے دور میں کبھی کوئی سیاسی قیدی نہیں رہا، ہم نے ہمیشہ دوستی اور ہم آہنگی کا ہاتھ بڑھایا ہے، سینیٹر شیری رحمن
-
جس وزارت کا بزنس ایوان میں لیا جائے گا اگر اس وزارت یا محکمے کا جوائنٹ سیکرٹری کی سطح کا آفیسر موجود نہ ہوا تو سیکرٹری کو طلب کیا جائے گا،سپیکر قومی اسمبلی
-
عدالت نے فواد چودھری کو گرفتار کرنے سے روک دیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.