ایل او سی پر کھوئی رٹہ سیکٹر میں بھارتی افواج کی سول آبادی پر بلا اشتعال فائرنگ و گولہ باری، علاقہ مقیم گھروں میں محصور

کسی جانے مالی نقصان کی اطلاع نہیں، پاک فوج کی بھر پور جوابی کاروائی ، دشمن کی توپیں خاموش کرا دیں

ہفتہ 26 ستمبر 2020 20:36

ایل او سی پر کھوئی رٹہ سیکٹر میں بھارتی افواج کی سول آبادی پر بلا اشتعال ..

کھوئی رٹہ (اُردو پوائنٹ اخبارتازہ ترین - آن لائن۔ 26 ستمبر2020ء) لائن آف کنٹرول کھوئی رٹہ سیکٹر میں بھارتی افواج کی سول آبادی پر بلا اشتعال فائرنگ و گولہ باری علاقہ مقیم گھروں میں محصور ہو کر رہ گئے فائرنگ و گولہ باری سے تاحال کسی جانے مالی نقصان کی اطلاع نہیں پاک فوج کی بھر پور جوابی کاروائی نے دشمن کی توپیں خاموش کرا دیں۔

(جاری ہے)

تفصیلات کے مطابق لائن آف کنٹرول کھوئی رٹہ سیکٹر کے سرحدی گائوں اندرلہ کٹہڑہ ، پٹھہ ناڑ، پیر پندی ، جبر مال و دیگر علاقوں میں بھارتی فوج نے سول آبادی کو نشانہ بناتے ہوئے ابلا اشتعال شدید فائرنگ اور گولہ باری کی گھروں کی کھڑکیاں دروازے لرز اٹھے گولہ باری کی آوازیں دور دور تک سنائی دیتی رہیں تاہم کوئی جانی و مالی نقصان نہیں ہوا ادھر پاک فوج نے بھارت کو منہ توڑ جواب دیتے ہوئے ان کی پوسٹوں کو نشانہ بنایا جس کے بعد دشمن کو سانپ سونگھ گیا ۔

بھارتی افواج آئے روز ایل او سی پر فائرنگ و گولہ باری کر رہی ہے جس سے ایل او سی پر مقیم شہریوں کی زندگی اجیرن بن چکی نظام زندگی مفلوج ہو رہ گیا ۔