گورنرسندھ عمران اسماعیل کو سینئر صحافی سعید خاورنے اپنی کتاب پیش کی

تھر کی تاریخ ، تہذیب و تمدن پرمبنی کتاب مرتب کرنے پر گورنرسندھ نے سینئر صحافی کو مبارک باد دی

منگل اکتوبر 17:58

گورنرسندھ عمران اسماعیل کو سینئر صحافی سعید خاورنے اپنی کتاب پیش کی
کراچی (اُردو پوائنٹ اخبارتازہ ترین - این این آئی۔ 20 اکتوبر2020ء) گورنرسندھ محمد اسماعیل سے سینئر صحافی اور ادیب سعید خاور نے گورنرہاؤس میں ملاقات کی ۔ملاقات میں سعید خاور نے گورنرسندھ کو تھر کے بارے میں اپنی کتاب پیاس اور افلاس کا صحرا پیش کی ۔

(جاری ہے)

گورنرسندھ نے سعید خاور کو تھر کی زندگی ، تہذیب و تمدن اور تاریخ پر شاندار کتاب مرتب کرنے پر مبارک باد دی ۔ گورنرسندھ نے کہا کہ تھر پاکستان کی معاشی ترقی کے لئے بھی نہایت اہمیت کا حامل خطہ ہے کیونکہ یہاں کے کوئلہ سے پیدا ہونے والی بجلی ملک میں معاشی انقلاب کا باعث بنے گی ۔ انہوں نے کہا کہ کتاب میں تھر کی تاریخ اور تہذیب و تمدن کی تفصیل سے نہ صرف طالب علموں بلکہ تحقیق کے شعبہ میں کام کرنے والوں کو بھی نمایاں مدد ملے گی ۔

متعلقہ عنوان :