نوازشریف نے عرب ممالک سے تعلقات خراب کئے ہیں، مولانا طاہر اشرفی

آرمی چیف جنرل باجوہ نے تعلقات بحال کروائے ،نوازشریف مایوس ہیں جنرل باجوہ نے سیاسی کردار ادا کرنے سے انکار کیا، انٹرویو

بدھ 21 اکتوبر 2020 20:28

نوازشریف نے عرب ممالک سے تعلقات خراب کئے ہیں، مولانا طاہر اشرفی

اسلام آباد(اُردو پوائنٹ اخبارتازہ ترین - آن لائن۔ 21 اکتوبر2020ء) معاون خصوصی وزیراعظم مو لا ناطاہر اشرفی نے کہاہے کہ نوازشریف نے عرب ممالک سے تعلقات خراب کئے،آرمی چیف جنرل باجوہ نے تعلقات بحال کروائے ،نوازشریف مایوس ہیں جنرل باجوہ نے سیاسی کردار ادا کرنے سے انکار کیا۔اپنے ایک انٹرویو میں انہو ں نے کہاکہ خواجہ آصف نے جھوٹ بولا،سعودی عرب نے یمن بھیجنے کیلئے فوج نہیں مانگی ،وزیر خارجہ کو سعودی عرب سے گلہ تھاتو ٹی وی پر نہ کرتے ،یہ بات سڑک پر کرنے کی بجائے سعودی ہم منصب کوفون کرلیتے ،یہی بات وہ ہمارے بارے میں کرتے تو ہمیں بھی گلہ ہوناتھا۔

انہو ں نے کہاکہ شہبازشریف سمیت نون کے ذمہ داران نواز بیانیے کے ساتھ نہیں ،رات کی تنہائی میں کپتان کے بلاوے پر آجاتے ہیں ،آرمی چیف کابلانا تو بڑی بات ہے ،انہوں نے کہاکہ ان سب کے دلوں میں چور دروازے سے اقتدار میں آنے کی خواہش ہے،نوازشریف مایوس ہیں جنرل باجوہ نے سیاسی کردار ادا کرنے سے انکار کیا۔

(جاری ہے)

وزیراعظم کے معاون خصوصی نے کہاکہ مدارس کے طلبا فوج کے خلاف اپوزیشن کے ہاتھوں استعمال نہیں ہوں گے ،ہمیں شاباش دیں کہ گوجرانوالہ اورکراچی میں مدارس کے طلبا نہیں آئے،انہوں نے کہاکہ مدرسے کو سب سے زیادہ مار شریف برادران سے پڑی مگر فضل الرحمان نے مرہم نہیں رکھا۔